juo, imbau si Mambang babuah-buah, imbau si Mambang kan ma- racun hati, "Tuan ai pulang pulang lah Tuan."
Mandangakan ratok si Mambang Surau, Jumbang tasumbua dalam tilago, duduak tamanuang saurang diri, sadang manangih lalu bakato.
"Guru e juo Tan Iman Mudo
Guru nan indak padi bagaduang
Guru bapadi di ladang sajo
Guru nan indak bahati jo jantuang
Guru bahati lai gadang sajo
untuang tak mati di dalam tilago.
Taga dek aja ka balun sampai, taga dek gadang ka balun sudah, niaik di rumah iyo kan mangaji, tibo di surau ka taniayo, lah duo kali dagang babuang, lah duo kali dagang babunuah, tagah dek aja nan balun sampai, babaliak juo hanyo di surau."
Jumbang bajalan babaliak pulang, ganok sarantang rantang di jalan, cukuik duo rantang pajalanan, cukuik katigo ondeh ran- tang panjang, satalah tibo di Lawang Kuniang, awai di guru Tan Iman Mudo. "Taga dek aja ka balun sampai, taga dek gadang ka balun sudah, babaliak juo ambo ka surau, tagah dek aja balun sam- pai, babaliak juo dagang ka mari."
Sanan manjawek Tan Iman Mudo, "Indak den sangko kan ba- baliak juo, indak den sangko nan ka pulang lai, babaliak juo waang ka mari, elok den buang sakali lai, elok den buang ka pupuitan ka- liang."
Sato lah tibo Jumbang di surau, sanan bakato si Malin Jum- bang, "Oh Guru janyo ambo, dangakan bana dek Tuan Guru, lah tujuah tahun ambo di siko Guru, lah banyak parasaian ambo tangguang, nan indak batangguanglah batangguang Guru, nan indak ambo rasai lah ambo rasai, lah limo kali dagang babunuah guru, tagah dek aja balun sampai, babaliak juo dagang ka surau guru : patamo iyo jo kayu gadang, Guru impok jo kayu gadang, baliak juo dagang ka surau; bunuah kaduo dalam tilago, Guru campakkan dalam tilago, Guru, babaliak dagang ka surau; bunuah katigo ka pupuitan kaliang Guru, sarato sapuluh macamnyo ransang, ambo hao ransang ka surau, buliah ka ubek de Tuan Guru; bunuah ka ampek jo batu gadang, Guru, Guru impik jo batu gadang; bunuah
224
