baru dikambang surek nan datang, iyo gumaram darah di muko, sanan batanyo surek nan tibo, sanan batanyo Kasua Tabantang, "A wai junjuangan janyo ambo, barilah luruih ambo batanyo, ambo batanyo siluruih sajo, surek dari mano tu datangnyo, kaba dari mano tu datangnyo, atau dek rando tu dapek malu, atau dek cakak indak balarai, mangko manangih mambaco surek."
Sanan manjawek Bandaro Ijau, "Mano dikau kasua Taban- tang, kalau nyo itu kau tanyokan, indak dek rando ka dapek ma- lu, indak dek cakak indak balarai, surek nan datang dari Lawang Kuniang, surek nan datang dari guru si Jumbang, surek nan datang dari Iman Mudo.
Indak si Jumbang gilo mangaji, anyo badamaiek samo gadang, siang malapeh layang-layang, malam mairuik kadai urang, surek nyo buck karateh koa, karateh nyo ka layang-layang, lehannyo buck ka rumah catua, baabih balanjo Jumbang mangaji, cilako huna pai badagang. Kok untuang pulang sakarang kini, elok di- búnuah nak nyo mati, elok digantuang anyo nak tinggi, elok di- butang nak nyo jauah, kalaunyo pulang si Malin Jumbang, pa- gang dek kau si rencong Aceh, dek den pagang padang jinawi, elok dibumuah nak nyo mati."
Mandangakan kaba lah Iman Mudo, bana di ati mandeh kan- luang, sanan bakato Iman Mudo, "A wai ang Jumbang Malin Mu- hammuik, kalau kan iyo waang kan pulang, elok pulang sakarang kini, jaan lah lambek waang di rumah Jumbang, kaji nan sadang nan takapalang, gak tigo ari waang babaliak Jumbang.
"A wai dek Guru Tan Iman Mudo, asa lai pintak ka buliah Guru, kok tai kandak lai ka balaku, itu malai tigo hari Guru, dua an ambo babuliak, jawek lah salam tangan ambo Guru, ambo ka pulang ka kampuang ambo, untuang indak tantu tangah jalan Guru, cilakan bana jariah payah Guru, Guru lah payah mangaja amboGu- ni, najak dek mulo mangaja alih, sampainyo pandai ambo manga- », rilakan bana aia nan taminun, rilakan pulo nasi nan tamakan "
226
