Guru." Sampainyo jawek tapak tangan guru.
Jumbang bajalan pulang ka kampuang, eten ka nagari Gu- nuang Nan Tigo, eten Situjuah Banda Dalam, eten ka nagari si Kabau Tinggi. Alah sarantang rantang di jalan, cukuik duo rantang yo pajalanan, cukuik katigo rantang panjang, iyo lah ampiang Jumbang lah tibo. Jumbang lah tibo di Gunuang Nan Tigo. Lah tampak dek mandeh kanduang, lalu bakato Kasue Tabantang, "Awai junjungan janyo ambo, kok nan di pinto lai ka buliah, untuang lai kandak lai ka balaku, iyo lah pulang malang cilako, eten lah tampak si Malin Jumbang, pagang dek kau si rencong Aceh, aden tapagang padang jinawi, elok dibunuah nak nyo mati, elok dijua nak nyo jauah, elok digantuang nak nyo tinggi, cilako bana pai mangaji, batandeh rato jo pusako."
Dalam babincang-bincang juo, sato lah tibo Jumbang di la- man, sampai nyo naiak ka batu tapaan, barulah tibo pareso pun tibo, padang lah tibo di lihia si Jumbang, lah carai lihia jo ka palo, lihia bacarai yo nan Jumbang, kapalo lah jatuah ka bawah janjang, nan badabuak ka tangah laman. Lalunyo mati si Malin Jumbang, mati dipancuang dek ayah kanduang, iyolah kompong dek mande kanduang, sampainyo amuak paruik si Jumbang, paruik nan pan- jang bajelo-jelo, alahnyo mati dagang cilako, lalunyo bakato Kasue Tabatang, "Indak katandeh harato pusako, alahnyo mati dagang cilako, kini baitu nyo dek junjungan, di mano si Jumbang kito kubuakan, ka mano si Jumbang kito campakan, elok dibuang isuak sugiro, jaan tahu pulo Malere Suri, jaan tahu pulo adiak kanduang- nyo, jan ingek pulo urang di nagari, elok dicampakkan ka parak lalang."
Bana di ati ayah kanduang, anak di dagang ka tangah padang, anak diosong ka palak lalang. Sadang lihie jo kapalo, paruik nan panjang lah bajelo-jelo, sadang bacarai nyawo di badan. Alah sa- rantang di jalan, cukuik duo rantang pajalanan, cukuik katigo ran- tang panjang, sarato lah tibo di tangah padang tubuah dicampak- kan ka parak ilalang, kapalo dicampakkan ka dalam rimbo, andeh jo bapak babaliak pulang.
Jumbang lah tingga di tangah lapang, indak si Jumbang ka iduik lai, indak si Jumbang ka pulang lai, ba ati gadang salamo- lamonyo, indak kan batandeh harto jo pusako, indak abih harato bando, inyo babaliak pulang ka kampuang. Alah sarantang jo pajalanan, alah cukuik ka tigo jo rantang panjang sarato lah tibo
227
།
