inyo di rumah, eten di baliak Gunuang Nan Tigo, eten Sikabau Kabau Tinggi, alun sabatang paisok abih, turun Malere Suri katangah ilaman, Malere Suri adiak si Jumbang, sadang manangih Malere Suri, lalu batanyolah sugiro, "Ayahnyo juo jo nyo ambo, bari luruih ambo batanyo, ambo batanyo basiluruih sajo, darah siapo nan bataburan, darah lai apo nan sirah-sirah, jaweklah tanyo lakeh sugiro, supaya nak sanang di dalam hati, supayo nak suci di kiro-kiro."
Sanan manjawek jo ayah kanduang, "Mano Nak kanduang Malere Suri, darah tatabue kau tanyokan, darah taserak kau pareso, iyo tun kau di Lawang Kuniang, mamantai ayam iyo dek inyo, baka balanjo iyo kan kito bari."
Sanan manjawek Malere Suri, "Barapo ikua kabau Ayah bantai, barapo lusin ayam potong, sabanyak ko bana darah baserak, Ayah juo jo nyo ambo,
Ayah nan indak bapadi jo jaguang,
Ayah bapadi lai ladang sajo,
Ayah nan indak bahati jo jantuang,
Ayah ah hati nan gadang sajo, Ayah bahati sanang sajo.
Tidak diusua jo pareso, si Tuan ambo nan Ayah bunuah, Tuan ambo nan Ayah amuak, surek palasu Ayah tarimo, tidak usua Ayah jo pareso, ambo sajoli nan bak balam, ambo sabodi nan bak pisang labek, ambo sadondong nan ba ambacang, sikua jantan sikua batino, kusuik siapo nan kan manjaniahkan, kalau la mati si Malin Jumbang."
Sampai manangih tu Malere Suri, "Ayah kanduang tu sibiran tulang, dangakan bana dek Ayah kanduang: pado ambo baputiah mato yo Ayah, bia nak samo baputiah tulang."
Malere balari ka maligai, inyo bao si rencong Aceh, anyo pasisik padang jinawi, anyo turuikan darah baciciran, lah nyo turuikun dek Malere, ka padang lalang darah taserak, ka tangah padang darah bataburan, Malere bajalan ka parak lalang. Alah sarantang jalan, cukuik duo rantang yo pajalanan, satu lah tibo yo di parak lalang, sato lah tibo di tangah padang, dicaliak ilia jo mudiak, han dipandang kiri jo kanan, dicaliak darah lah serak serai, dicaliak lalang lah panuah dek darah, dipandang bana di tangah padang, karo si Jumbang lab tajelo, kiro si Jumbang lah tak iduik, nan ba-
228
