carai lihia jo kapalo, badan taunjua di parak lalang, kapalo nan indak iyo basuo. Sampai manangih Malere Suri, sarato maratok yo adiak kanduang.
Satalah tibo di parak lalang sanan bakato Malere Suri, "Oh Tuan kanduang sibiran tulang, Tuan kanduang si jantuang hati, Tuan mangaji di Lawang Kuniang eten di Kubuang Tigo nan sa- batang, eten di surau Iman Mudo, mangko tajelo Tuan di siko, atau dek salah Tuan barundiang Tuan, atau dek salah kaki malangkah, atau dek salah tangan manjangkau Tuan. Tuan kanduang si Malin Jumbang, awak sajoli nan bak balam, Tuan, awak sabado bak pi- sag labek, awak sadondong nan bak ambacang Tuan, sikua jan- tan sikua batino, kalau lah mati yo nan jantan, Tuan, apo kan tenggang iyo nan batino, anyuik siapo mamintasi Tuan karam siapo nan kan manyalam, kusuik siapo nan kan manyalasai Tuan, Tuan kanduang si Malin Jumbang."
Sampai maratok si Malere Suri, sampai manangih si biran tulang, sadang manangih Malere Suri, dangakan bana ratok Male- re, ratok Malere tak alang alang, ratok Malere babuah-buah, "Oh Tuan kanduang si Malin Jumbang, dangakan bana dek Tuan kan- dung, duduak lah baa bak urang tidua Tuan, jago lah baa bak urang lalok, si jantuang hati nan lah tibo sibiran tulang iyo nan lah datang. Malere Suri iyo manjagokan, Tuan duduak, duduaklah duduak, jikalau Tuan indak duduak Tuan, ambo diminum si- rencong Aceh, jikalau Tuan indak jago Tuan, ambo dimakan pa- dang Jinawi Tuan lai duduak duduaklah duduak Tuan."
Rencong dibuka dek adik kanduang, rencong dicabuik nan dari pinggang, padang dibukak dari saruangnyo. Sanan maratok Malere Suri, sadang maratok maimbau juo, ratok Malere babuah- buah, ratok Malere baibo-ibo, "Ondeh Tuan ai duduaklah dulu, duduak Tuan den duduak si Jumbang, jikalau Tuan indak duduak, ambo diminum si rencong Aceh, jikalau Tuan indak duduak Tuan, ambo dimakan padang Jinawi..."
Rencong dibukak dari pinggang, padang dibacuik dari sarang- nyo, maliek suok Malere Suri, ratok Malere babuah-buah, ratok Malere baibo-ibo, "Tuan ai duduak duduaklah duduak, jikalau Tuan indak duduak, pado yo ambo baputiah mato, bia nak samo baputiah tulang,
229
