Tuan mandi ambo manyauak
samo bagusuak daun talang
Tuan mati ambo baramuak
samo mauni si parak lalang
Tuan duduaklah duduak."
Sadang manangih Malere Suri, sadang nyo kiak padang ka baramuak, batamu lihia jo kapalo, sampai nyo bukak si rencong Aceh Jumbanglah sintak di parak lalang, baru dikiaknyo nak ba- ramuak, sampailah duduak si Malin Jumbang, Jumbanglah duduak di parak lalang, padang lah masuk ka saruangnyo, renconglah ba- liak ka tampeknyo. Sadang manangih Malere Suri, lalu bakato si Malin Jumbang, "Oh Adiak kanduang sibiran tulang, Adiak kan- duang Malere Suri,
Usahnyo padi kau uruikkan
aianyo ka pamatang
Usahnyo ati kau pituruikkan
alahnyo duduak si Malin Jumbang."
Jumbanglah duduak di pokok lalang, luko nan indak lai ka- liatan, kulik nan aluih bak talua balam, lalang lah tarang baca- hayo. Jumbang, labiah nyo rancak darinyo dahulu, kan labiah elok kan dari lamo, umpamo jo bulan bapaga bintang. Sanan bakato Malere Suri, "Tuan ai juo yo jo denai ambo, bari yo luruih ambo batanyo, ambo batanyo siluruih sajo, Tuan mangaji di Lawang Kuniang eten di surau Tan Iman Mudo, eten di Kubuang di Tigo Baleh, mako tajelo Tuan nan di siko, apo yo sabab yo jo karano, bari lah luruih yo ambo batanyo, supayo nak sanang nan di dalam hati, supayo nak suni di kiro-kiro."
Lalu manjawab si Malin Jumbang, "A wai Diak kanduang Malere Suri, kalau yo itu kau tanyokan, dangakan bana ambo kabakan.
Indaknyo murah urang batimbakau
dalam kan maraso pulo
Indak nyo murah urang kan marantan
dalam basakik marasoi pulo
Lah banyak parasaian nan ditangguang, nan indak ditangguang
230
