lah ambo tangguang, nan indak dirasai lah ambo rasai, lah tujuah tuan nan di Lawang di Lawang Kuniang, jaan di ambo kan diaja mangaji, babuni indak guru jo ambo, duduak di bawah parian sajo, lah cabiak-cabiak baju di pungguang, lah kerek kerai baju di dado, jan lai kan dapek kaji di ambo, manyapo indak Tan Iman Mudo. Iyo dek Allah kan manguntuangkan, iyo dek Tuhan pulo kan manggarakkan, sampailah mahia ambo mangaji, bukan dek pandai yo dek baguru, bukan dek Malin iyo dek baraja, pandai nyo ambo yo dek mandanga, Malinnyo ambo yo dek manyimak. Sampai- nyo bangin Tan Iman Mudo, sampainyo dayo ambo basamo, sampainyo bunuah ka dalam rimbo, limo kali ambo dibunuah, tagah dek aja nan balun sampai, tagah dek gagang ka balun sudah, babaliak juo dagang ka surau. Mulonyo badan sampai ka siko di- mintak izin ka pulang, izinlah buliah mintak jo pinto, awak kan pulang iyo ka kampuang. Surek dahulu dari pado awak, surek dibuek dek Iman Mudo, surek palasu dibuek guru, surek ditarimo dek ayah kanduang. Suatulah tibo ambo di rumah, indak diusuik iyo jo pareso, suatulah tibo di tangah laman, padang lah tibo di lihia ambo, hanyo di ulang dek mandeh kanduang, sampai nyo amuak dayo badan diri, anyo campakkan ambo ka mari, itu dek sobaik tibo di siko."
Mandanga kato si tuan kanduang, raso kan luruah sirangkai hati, rasokan carai banak kapalo, mandanga parasaian tuan kan- duang, raso kan carai nyawo di badan. Sadang manangih Malere Suri, "A wai di Tuan jo kanduang ambo, kalau baitu parasaian Tuan, jan lah Tuan babaliak pulang, bialah ambo surang ajo pulang Tuan, baliak lah Tuan ka Lawang Kuniang, baliak lah Tuan ka surau Tuan, jikalau Tuan ka baliak pulang, babantah ambo tibo di rumah Tuan, badoso jo ayah bundo, mandanga paraisan, Tuan kanduang elok babaliak Tuan ka surau. Iko mah pitih kan balanjo Tuan sambilan, uang kan Tuan bao."
Bana di hati tuan Jumbang, bana di hati tuan Jumbang, Jum- bang bajalan ka Lawang Kuniang, adiak babaliak pulang jo sanang. Lalu bakato Malere Suri, "Kalau baitu Tuan badagang, banyak parasaian nan ditangguang, sarahkan diri kapado Tuhan, Tuan, elok pataguah iman di dado, Tuan bajalan ka Lawang Kuniang Tuan, batulak pungguang jo adiak kanduang."
Suatu lah tibo Malere di rumah, hanyo naiak ka maligai, satonyo tibo nyo tidua kalimun banta, iyolah basah dek aia mato,
231
