mandangakan nasib Tuan mangaji. Jumbanglah tibo di Lawang Kuniang, eten di surau Tan Iman Mudo, alun sabatang paisok abih sanan bakato Iman Mudo, "A wai ang Jumbang Malin Muhammad, ayo panduto waang ko- mah Jumbang, dagang malaraik waang komah Jumbang, dagang musikin dagang mularaik, waang bajanji tigo hari Jumbang, cilako bana dagang ang Jumbang.'
Sanan manjawek tuan Jumbang, "A waidi Gurujanyo ambo, mako nyo ambo talambek Guru, ambo pulang sakali samusim, ka sawah ka ladang ambo dahulu manolong ayah di rumah daulu, itu dek lambek ambo babaliak Guru, bari yo maaf iyo dek Guru."
Sanan manjawek dek Iman Mudo, "A wai ang Jumbang Ma- lin Muhammad, indak den sangko ka baliak lai babaliak juo waang ka mari, cilako bana waang ko Jumbang, elok den bunuah sakali lai, elok den buang sakali lai, elok den cancang ka tangah padang, cilako bana dagang ang Jumbang, indak den sangko ka baliak lai, babaliak juo waang ka mari Jumbang.”
"A wai dek dagang saratuih ampek puluah, babaliak juo da- gang cilako, ambiak lah tali sajantang surang, ambiak lah kapak sabuah surang nak urang, elok dibao ka tangah padang."
Bana di hati dagang nan banyak, diambiak tali sajantang su- rag, dikabek kapak di batang pinggang, Jumbang diarak ka tangah padang, eten ka padang bio-bio, eten ka padang yo sinanai, sanan si Jumbangkan inyo bunuah, sinan si Jumbang kan anyo cancang. Lalu bakato Tan Iman Mudo, tanyo indak pareso pun indak, sadang bajalan Tan Iman Mudo, aduhai tuan latiahlah badan, patuik jo maso paruntuangan, patuik di mabuak parasaian.
Suatu lah tibo di tangah padang, padanglah tibo di lihie si Jumbang, kapalo buang masuak rimbo, badan nyo cancang basamo-samo, kuliknyo jamua di tangah padang, dagingnyo jo tulang nyo caraikan. "Indak si Jumbang kan baliak lai, indak si Jumbang ka pulang lai, indak anak den kan kanai dayo, indak kaji den ka taimpik."
Jumbanglah tingga di tangah padang, hanyo babaliak ka La- wang Kuniang, badan bacarai jo kapalo, sadang bacarai da- giunų jo tulan, kini lah baliak ka Lawang Kuniang, dagang nan ba- nyak lah pulang pulo, ganok sarantang di jalan, lah tujuah kali Jumbang babunuah.
Sudahlah garak takadia badan, sudahlah untuang jo bagian,
232
