Jumbanglah tinggal di tangah padang, Iman lah baliak ka Lawang Kuniang. Satalah tibo Iman di surau, ukatu luhua iyo nan lah tibo, sampainyo naiak Tan Iman Mudo, Iman abangkan mindaro, suaro Tan Iman yo kan bukan kapalang, babuni ganto yo awang awang, buni sarunai yo jo biola, buni sarunai yo pupuitan kaling. Abang. partamo Tan Iman Mudo, batamu dagiang samo dagiang, abang ka- duo Tan Iman Mudo susun basusun yo samo tulang, abang ka tigo Tan Iman Mudo, jawek bajawek samo urek, abang ka ampek Tan Iman Mudo baluik jo samo tulang, abang ka limo Tan Iman Mudo, tubuah tahunjua di tangah padang, abang ka anam Tan Iman Mudo batamu lihia jo kapalo, cukuik ka tujuah Tan Iman abang, Jumbang lah duduak di tangah padang, sadang manangih lalu ba- kato, "A wai di Guru Tan Iman Mudo di tangah padang Guru ting. gakan Guru, tagah dek aja kan balun sampai, tagah dek gadangkan balun sudah."
A wai dek guru Tan Iman Mudo, iyo ka pulang jalan tak tan- tu, iyo ka baliak jalan tak abeh, Jumbanglah karam eten di pa- dang si anai-anai, Jumbang bajalan di tangah padang, ilian padang, mudiak an padang, iyo dek lambek lamo bajalan, batamu surang iyo rang tuo, sadang bapikek-pikek balam. Lalu batanyo si Malin Jumbang, "A wai dek Datuak orang pabalam, tolonglah bao balam ambo Tuak, batandeh Datuak di dalam rimbang, tolonglah bao pa- san ambo Tuak. Ko anak guru si Mambang Surau, iyo kan pulang jalan tak abeh Tuak, nan ka babaliak jalan tak tantu, datuak juo saulang lai, tolonglah bao balam ambo, rasuak di ateh kasau, to- longlah bao pasan ambo, ka mande kanduang Kasua Tabantang, nan ka pulang jalan tak abeh, iyo ka baliak jalan tak tantu, Datuak juo janyo ambo, tolong lah bao balam ambo Tuak di ateh kurisi, tolonglah bao pasan ambo Tuak ka adiak kanduang Malere Suri. Iyo ka pulang jalan tak abeh, nan ka baliak jalan tak tantu."
Jumbang bajalan anyo lai, Datuak lah tingga di tangah pa- dang, iyo dek lamo lambek. di jalan, lah tigo bulan Jumbang ba- jalan, indaklah minum indaklah makan, sikih walilulloh nan inyo makan. Iyo dek Allah pulo manantukan, basuo jalan basim- pang duo, sasimpang jalan ka dalam rimbo, sasimpang jalan ka ta- ngah padang, elok ka suok, jalan ditampuah, ka tangah padang Jumbang ka painyo. Iyo děk lambek lamo bajalan, batamu surang parampuan, sadang nyo duduak babanuang juo, sadang duduak manangih juo, sadangnyo baurai aia mato. Sanan batanyo si Malin Templat:Right
