Sampai manjawek dek urang mudo, "Mano dikau si Rahimah, cubo tunjuakan kapado ambo, nak ambo cubo-cubo mambukak, talang bakecuik juo, talang batonggak batonggak juo." Sampai batunjukkan dek Rahimah, lalu bakato si Malin Jum- bang, "A wai dek kau si Rahimah, jikalau ka manunjuakkan ka ambo Rahimah, jan daulu kau bajalan, iyo kudian kau jalan Ra- himah."
Bana di hati si Rahimah, sampai manunjuakkan sumua si Rahimah, ganok sarantang rantang bajalan, cukuik duo rantang pajalanan, cukuik katigo rantang panjang, suatu lah tibo di sumua Rahimah. Iyo dicaliak dek si Jumbang, batu nan gadang bukan ka- palang, bukan kapalang basanyo batu, batu maimpik sumua Ra- himah, iyo rang kampuang mangaluakan, tigo bulan balun ka talok, sabalun nyo sampai ka batu, inyo kalilingi dek si Jumbang, limo minik mako nyo sampai. Tibo di tangah inyo manajat, sa- sudah itu mamintak kapado Allah, inyo badoa kapado Tuhan. Batu dijinjiang jo jari manih, nyo tulakan jo jari manang, tabang talambuang batu nan gadang, batulah tabang batu ka udaro, aia manyambua ka tangah padang, jawi jo bantiang iyolah nyo mi- num, pipik marpati iyo mangirai, iyo tacangang si Rahimah, urang kiramaik kironyo inyo, si Waliullah malah kironyo.
Sanan manjawek si Malin Jumbang, "Mano di kau si Rahi- mah pintaklah buliah kandak lah balaku, babaliaklah kau ka kam- puang kau, ambo nak baliak nak ka dalam rimbo."
Sampai manjawek si Rahimah, "Dangakan bana dek urang mudo, urang disirayo nan dibari nasi, urang diupah nan dibari pitih, itu nan iyo bapakai, nan bapakai iyo jak dahulu, adaik baisi limbago batuang, baitu adaik di Minangkabau."
Lalu manjawek si Malin Jumbang, "Ambo nan indak kau si- rayo, ambo nan indak iyo kau upah, ambo manolong karano Lillah, mintak lah buliah kandaklah balaku, baliaklah kau nan ka rumah kau, ambo nak baliak nan ka dalam rimbo."
Sampai manangih malah nan kanduang sampai nyo pacik dek Siti Rahimah, "Mano dek kau Siti Rahimah, jan doh ambo nan kau pacik, cando bana pandangan urang, kau saurang nak urang rajo, ambo saurang nak urang rimbo, anak bingkatak anak bing- katau, anak singiang lai ngiang rimbo, babaliaklah kau ka kam- puang kau."
Sampai manangih, Siti Rahimah, sadang manangih lalu ba-
235
