kato, "ratok Rahimah lah babuah-buah, ratok Rahimah lai ma- nindiak-nindiak,
Patuiklah bana tolong ka rimbo
alah babungo lai aua duri
patuik tak namuah Tuan dibao
caliak dek Tuan si badan diri.
Tuan pun ameh ambo pun loyang, patuik tak namuah iyo nyo samo, iyo Tuan kanduang ambo, urang mudo, kalau tak na- muah Tuan dibao, pado bacarai baputiah mato, bia ka bacarai baputiah tulang. Iko lai pisau lai ambo bao, amuak lah ambo dek Tuan di siko, pado bacarai yo kito di siko, bia bacarai nyawo di badan, pulanglah pulang kito daulu."
Sampai manangih Siti Rahimah, dalam barundiang-rundiang juo, sampai manjawek si Malin Jumbang, "Indak lah patuik ta- lang ka rimbo, alah barubah daun pariak, indak doh patuik ambo dibawo, kau saurang lain nak urang rajo, ambo nak urang nan ka tangah tabek, anak singiang lai ngiang rimbo."
Mandangakan kato si urang mudo, lalu bakato Siti Rahimah, pisau dibukak dek Rahimah, sampai nyo sewek dek Tuan kan- duang, lalu bakato si Malin Jumbang, "A wai dikau Siti Rahimah, pado dikau baramuak diri Rahimah, bia den antaan kau nyo pu- lang, bajalan lah kau kudian, ambo bajalan yo daulu, dari bala- kang tunjukan jalan, baitu adaik urang laki bini, baitu sarak nan maukum Rahimah, baitu adaik mangatokan."
Lalu manjawek Siti Rahimah, "Pintak buliah kandak balaku."
Sampai bajalan nyo baduo, dari balakang ditunjuakkan jalan, yo dek lamo lambek bajalan, lah tigo rantang yo pajalanan, Allah Taala pulo manggarakkan. Suatu lah tibo di tangah jalan, bakeh Jumbang bacacancang daulu, bakeh si Jumbang bapotong daulu, Allah Taala pulo mauntuangkan, ukatu luhua nan lah tibo, lalu bakato urang mudo, "Mano dikau hai si Rahimah, wakatu luhua nanlah tibo, Rahimah sumbahyang lah kito nan daulu." Sanan manjawek si Rahimah, "Mano ai Tuan si urang muao, kalau di siko kito sumbayang, di mano kito ka bauduak, kito nan sadang di tangah padang Tuan."
Sanan manjawek yo urang mudo, "Iyo baranti kito di siko
236
