Rahimah, iyo sumbayang kito daulu, aia nan indak guno diru rusuahkan, Rahimah, Alalh Taala pangasiah panyayang, tanah tabanam tujuah kamudi Rahimah, aia menyambua di tangah pa- dang, alah tabuang tilago pulo.'
Heran tapikia si Rahimah, sampai manyambua aia di sanan, tapak si Jumbang dicancang juo, tangah si Jumbang didayo guru, lalu sumbayang di tangah padang, anyo bauduak si Rahimah. Suatulah sudah Rahimah bauduak, bauduak pulo si Malin Jum- bang. Suatulah sudah bauduak kaduonyo baimamlah di tangah padang, sampai sumbayang kaduonyo. Rahimah mangikuik dari balakang, ayo Rahimah mangikuik pulo, sakali Rahimah mang- ikuik si Jumbang, tagak si Jumbang tagaklah kayu dalam rimbo, rukuak si Jumbang rukuaklah kayu, sujuik si Jumbang sujuiklah kayu.
Kaba dialiah ka Iman Mudo, eten di Kubuang Tigo Baleh, kanduang sabatang nan lah sujuik pulo, di laman surau Tan Iman Mudo, takajuik Tan Iman di ateh surau, nan talah sudah Tan Iman Mudo, sampai nyo panjek kanduang nan sabatang, inyo ma- mandang ka dalam rimbo, kayu di rimbolah sujuik samonyo, da- gang nan banyak mamandang pulo, sampai barenggeh di dahan ka- yu, sampai mamandang di dalam rimbo, sadang bakato Tan Iman Mudo, "Mano kalian dagang nan banyak, mungkinnyo iduik ma- lang cilako, mungkinnyo duduak si Malin Jumbang, mungkinnyo duduak si Malin Jumbang, mungkinnyo sumbayang di dalam rim- bo."
Lah tibo inyo samonyo, Allah Taala lah manggarakkan, sam- pai lah sudah Jumbang sumbayang, kayu lah tagak kasadonyo. Kanduang nan sabatanglah tagak pulo, sampainyo tating Tan Iman Mudo, idung dibao ka pucuak kayu, dagang dibao ka ran- tiang kayu, Jumbanglah sudah inyo sumbayang, Iman lah jadi siamang ungko, dagang nan banyak jadi karanggo, itulah baleh- nyo dayo mandayo.
Jumbang bajalan anyo lai, Jumbang bajalan iyo jo Rahimah, eten manuju kampuang Rahimah. Iyolah lamo lambek bajalan, ganok sarantang rantang di jalan, cukuik duo rantang yo paja- lanan, iyo kok ampiang ka rumah Rahimah, sampai manitah du- balang nan tuo, lalu bakato panjago rajo, "Mano dikau Siti Rahi- mah, cilako bana kau Rahimah, awak saurang oi anak rajo, kini siapo nan kau bao Rahimah, anak bingkatak anak bingkatau, anak
237
