singiyang-ngiyang rimbo, elok dibunuah nak nyo mati, elok den pancuang lakeh sugiro Rahimah, urang nan kau bao."
Sanan manjawek si Rahimah, "Mano di tuan, dubalang nan tuo, usah nak urang dipancuang sajo, usua pareso yo dahulu, kalaulah inyo kan dipancuang, kalau wa inyo kan waang bunuah, bialah den bunuah dek waang, usua pareso labiah dahulu."
Padang disewek dek Rahimah, "Mano waang dubalang tuo, mulonyo urang kan di bao, bukan taingkeh taingkeh sajo, jasonyo baiak kapado ambo, lah tigo bulan sumua diimpik batu, indak sa- urang nan kan tabukak, dek urang mudo yo la tabukak, aialah manyambua lah di tangah padang, jawi jo bantiang alah minum, itiak marpati mangirai bulu, jasonyo labiah kapado ambo, itu dek sobaik ambo, itu dek ambo bao, anta jo apo jaso kan dibaleh."
Lalu bakato duhalang nan tuo, "Mano dek kau si Rahimah, kalau baitu kato urang nan tau, baolah inyo lakeh sugiro, untuang baiak kapado kito." Rahimah bajalan dari sinan, Rahimah bajalan jo urang mudo, lalu bajalan dari sanan, ganok sarantang rantang di jalan, cukuik katigo rantang panjang. Suatulah tibo di halaman rumah, iyo lah tampak dek ayah Rahimah, padang diambiak sugi- ro, padang diambiak dek ayah Rahimah, inyo balari ka tangah ha- laman, "Citako bana kau Rahimah, awak saurang nak urang rajo, urang tamusahua di dalam nagari, Rahimah, kini mambao nak urang rimbo, nak bingkatak anak bingkatau, anak singiyang ngi- yung rimbo, urang nan dapek di dalam kubangan Rahimah, urang cilako nan kau bao."
Sanan manjawek si Rahimah, "A wai di Ayah kanduang Ambo, dangakan bana dek Ayah kanduang, dangakan bana yo ja- leh-jaleh, dangakan bana batua-batua, bukan urang rimbo nan ambo hawo, bukan nyo urang anak bingkatak ai yo Ayah, indak- nyo urang si ngiang rimbo, indaknyo dapek dalam kubangan, urang bajaso kapado kito. Lah tigo bulan sumuanyo kito Ayah, yo diimpok batu gadang, indak tabukak dek urang basamo yo Ayah, kinilahı tabukak sumua nan gadang, tuan sorang mambukak- nyo Ayah, urang mudo iko nan mambukak. Jasonyo baiak kapado kito, itu dek sabab nan ambo bao, kalau nyo inyo kan Ayah bu- nuah Ayah, kalaunyo inyo kan Ayah pancuang, bialah ambo pan- tung dek Ayah, pado Ayah ambo baputiah mato, bialah ambo ba- putiah tulang Ayah."
Sanan manjawek ayah Rahimah, "Mano nak kanduang si
238
