jantuang hati Nak, a wai Nak kanduang si biran tulang, kalau baitu kato kau Rahimah, baolah tuan kau nan ka rumah, baolah iyo naiak ka rumah, basuah kaki ai tuan kau, ambiak lah aia di kuan ameh Rahimah, jasonyo baiak kapado kito."
Sanan manjawek si Rahimah, "Ayah kanduang jonyo ambo, kalau baitu kato Ayah Yah, usua pareso labiah dahulu, usah takaca banang bagomok ayah, usah lah ayah balantai padi.
"Kini baitu dek Rahimah Nak, baolah tuan kau ka rumah, ambiak lah aia di kuan ameh Rahimah, basuah kaki si tuan kau."
Sanan manjawek urang mudo, "Mano dek kau si Rahimah kaulah tibo di rumah kau Rahimah, ambo nan indak naiak ka rumah, naiaklah kau ka rumah kau Ranimah, ambo nak baliak ka dalam rimbo, ambo saurang nan urang rimbo Rahimah, anak bingkatak anak bingkatau, anak singiyang ngiyang rimbo Rahimah, ambo nan gadang dalam kubangan, kini kau naiak ka rumah rajo Rahimah, cando bana pandangan urang."
Sanan manjawek si Rahimah, "A wai dek Tuan urang mudo, bukan digala pandan baduri Tuan, alahnyo rabah yo batugakan, bukan dek salah si badan diri Tuan, iyo nan salah tanyo. Naiaklah kito ka ateh rumah Tuan, naiaklah Tuan ka batu tapaan, nak ambo basuah kaki Tuan ai."
Capak manjawek jo urang mudo, "Kini baitu dek Rahimah ai, rilakan bana jariah payah kau, ambo nak baliak ka dalam rim- bo Rahimah, tinggalah kau di kampuang kau, ambo indak biaso dibasuahkan kaki Rahimah, ambo biaso di dalam aia, ambo indak biaso naiak ka rumah Rahimah, ambo biaso di dalam rimbo."
Dalam baunjuak baunjuik juo, sampai manangih Siti Rahi- mah, "Mano dek Tuan si urang mudo, kalaunyo Tuan indak na- muah naiak, pado bacarai baputiah mato Tuan, bia bacarai bapu- tiah tulang, dangakan bana dek urang mudo bia baramuak ambo di siko." Padang dicabuik dek Rahimah, padang ditaiak dek urang mudo,
"Usah di padi dirunduakkan Rahimah
alah babungo daun jilatang
usah do hati dipaturuikkan Rahimah,
iyo ka naiak ka rumah nan gadang."
Dalam baunjuik barundiang juo, sampailah naiak si Malin
239
