Jumbang, suatulah tibo di dalam rumah, Jumbang indak namuah. duduak di tangah, inyolah duduak ka dalam parien, sanan bakato Siti Rahimah, "Mano dek Tuan urang mudo Tuan, jan di siko Tuan duduak, cando bana pandangan urang Tuan."
"Mano dek kau si Rahimah, bia di siko ambo duduak Ra- himah, cando bana ambo ka tangah, ambo biaso di ateh batu Rahimah, ambo biaso dalam kubangan, anak bingkatak anak si ngiyang ngiyang rimbo, ka duduak pulo ka rumah rajo Rahimah, cando bak bana pandangan urang.”
Lalu bakato ayah Rahimah, "Mano Nak kanduang urang mu- do, jan di siko waang duduak, kini lah sudah pasadioan, kurisi ameh lah talatak iyo ka mari waang duduak."
"Mano jo Ayah denai ambo Ayah, ambo indak biaso duduak di tangah, ambo biaso di ateh batu Ayah, ambo biaso di dalam rimbo, ambo saurang anak urang rimbo Ayah, anak bingkatak anak bingkatau, anak si ngiang-ngiang rimbo, Ayah, ambo biaso dalam kubangan, kinikan duduak ka rumah rajo Ayah, cando bana pandangan urang."
Dalam baunjuik baulai juo, sampai bakato Siti Rahimah, "Mano dek Tuan urang mudo Tuan, jikalau tak namuah Tuan ka tangah, pado bacarai baputiah mato Tuan, bia bacarai baputiah tulang, iko lai padang dibao Tuan, baramuak ambo nyo lai di siko,"
Mandanga kato si Rahimah, sampai duduak si Malin Jum- hang, anyo lai ansua duduak ka tangah. Lalu bakato ayah Rahi- mah, "Mano Nak kanduang si jantuang hati Rahimah, mano Nak kanduang sibiran tulang, bana dek kau si Rahimah, dangakan bana pituah ayah, urang batanyo lapeh urak Rahimah, urang barundiang sudah makan, baitu adaik nan bapakai nak, baitu sarak yo nan la- zim, ambiak lah aia dek tuan kau Rahimah, ambiak nasi yo lah dek inyo, sasudah minun jo makan, baru kito barundiang lai."
Bana di hati Siti Rahimah, aia diambiak lah dicangkia, nasi diambiak yo di piriang, sanan manitah si Malin Jumbang. "A wai di kau si Rahimah, ambo indak biaso minun di cangkia, ambo biaso minun di sayak yo Rahimah, ambo indak biaso makan di piriang, ambo biaso makan di daun Rahimah, ambo biaso di dalam rimbo, kini lah naiak di rumah rajo Rahimah, cando bana pandangan urang."
Dalam baunuak-baulai juo, dalam babincang babilai juo,
240
