sahari lah duo hari, alah sabulan duo bulan, alah satahun duo tahun."
Lah tigo tahun Jumbang di sanan, lalu bakato ayah Rahi- mah, "Ayah batanyo ka si anak kanduang. Mano Nak kanduang Siti Rahimah, bari yo luruih ambo batanyo Rahimah, ambo ba- tanyo basiluruih sajo, anak den ketek alah gadang Rahimah, ma- nuruik adaik patatah Minang, alah sabalik patai dek buah, sajak ketek ambo gadangkan, ambo lah patuikkan minantu Rahimah, siapo yo ka jodo kau, bari jo luruih ambo batanyo Rahimah.
Sanan manjawek Siti Rahimah, "Kalau baitu tanyo Ayah, Yah kato nan indak patuik dek ambo, kato nan patuik caliak dahulu. Ayah, dangakan bana dek Ayah kanduang. Kalau baitu nan dek Ayah, mintak bak raso lai ka buliah, kandak bak raso lai ka balaku Ayah, pukua dek Ayah tabuah larangan. Bakumpua urang dalam nagari, bakumpua urang datang ka mari, adaik anak rajo mancari tunangan, caliak dahulu ka tukang tanuang, cari dahulu dalam tareh Ayah, tantu daulu nan ka mamamakai, sinannyo rundiang mako patuik Ayah, sinan kato jo ka dijawek, anak yo urang, kato Jumbang."
Lalu lacuik tabuah larangan, takajuik urang dalam nagari, baumpua urang dalam kampuang, bakumpua urang ka rumah rajo, lalu manitah dubalang nan tuo. "Ampunlah sayo tepak ambo, apo dek sabab tabuah bagua, di mano rando dapek malu, di ma- no cakak nan indak balarai." Lahnyo sabuik ka samuonyo, Jum- bang manyimak nan dikato, sampai manjawek ayah Rahimah, "Mako tabuah iyo dek bagua, mako tabuah dek babunian, iyo ambo nak bapitua, anak den ketek yolah gadang, iyo lah patuik bajunjuangan, kini baitu dek kalian, iyolah ambo kan batanyo, cubolah japuik tukang tanuang, cubolah cari tukang tareh, buliah dicarikan namo hurufnyo, jauah adaik di Minangkabau."
Bana di hati dubalang nan tuo, sampai dijapuik ka tukang tanuang, lah bajapuiknyo tukang tanuang, bana di hati kaduonyo, sampailah hadie basamo-samo, lalu manitah Bajo Makah," Mano kalian tukang tanuang, mano kalian tukang tareh, cubolah liek namo hurufnyo, cubolah liek dalam tareh, janjang nak tantu den naiakkan, bandua nak tantu kan den manapiak, adaik den isi lim- bago batuang."
Bana di hati tukang tanuang, bana di hati tukang tareh, sato dilihek namo hurufnyo, sampai diliek dalam tareh, sato basuo
243
