saluruahnyo, sampai hakato si tukang tanuang, "Ampun Tuangku rajo ambo, kalau baitu kato Tuangku, pintak bak raso lai ka bu- liah, kandak baraso lai ka balaku, kini baitu dek rajo kami. Kalau baitu mukasuik angku, dangakan bana ambo katokan. Kawannyo rajo yo rajo pulo, lawan dubalang yo dubalang pulo, lawan nyo puti yo puti pulo, kalau jodoan Siti Rahimah, kalau nyo itu ambo tarehkan, urang banamo si Malin Jumbang, ayah banamo Bandari Ijau, mandeh banamo Kasua Tabantang, antah di mano kampuang halaman, cubo lah tingkek janjang inyo, cubolah tapiak bandua- nyo urang."
Iyo kaua tuan ayah Rahimah, sakali balun duo kali balun, iyo nan tasuo bacando itu. Sampai manjawek ayah Rahimah, "Kalau baitu kato kalian, panduto bana bunyi undiannyo, tidak lah tantu nan saulang juo, indak basuo sakali juo, kini baitu dek kalian, gualah tabuah nan saulang lai, kumpuan rajo lai sado rajo, panggialah puti samo puti, supayo kaluan urang samonyo, sinan diliek sinan dipandang, sinan dicari jodoan Rahimah."
Bana di hati dubalang nan tuo, sampai diguguah tabuah la- rangan, bakumpualah rajo lai samo rajo, bakumpualah puti lai samo puti. Urang lah rami dalam ustano, rajo baalek lai tujuah hari, mancari jodoan lai Siti Rahimah. Rahimah mamakai pa- kayan rajo, mamakai pakayan lai anak rajo, Rahimah diarak dalam undangan, iyo mamiliah jodoannyo. Satangah rajo iyolah mama- kai, satangah rajo iyo basisampiang, satangah rajo iyo manangih. Rahimah mamakai di dalam karando, inyo maliek di dalam ka- rado, sabanyak itu urang elakan, indak katuju deknyo surang juo. Bangih di hati ayah Rahimah, pitihlah habih dek baralek mukasuik nan indak kunjuang sampai, iyo nan diama nan indak pacah.
Rahimah dipanggia saulang lai, lalu batanyo dek ayah kan- duang. Rahimah batanyo dek ayah kanduang, iyo batanyo bajaleh, "Mano nak kanduang Siti Rahimah, sabanyak itu urang diundang Rahimah, surang nan tidak katuju dek kau, iyo malang bana kau Rahimah, kini bak itulah dek nak kanduang, cubo tunjuakkan kato nan bana Rahimah, cubo tarangkan sado ado, cubo kaluakan batua batua Rahimah, nak tantu den maningkek janjang."
"Mano dek Ayah kanduang ambo Ayah kalau itu Ayah tanyo- kan, kalaunyo itu Ayah pareso Ayah, alah itu tujuan Ayah, pacah parahu lelo mudo Ayah, pacah malimpah yo ka tapian, mako sabulan di rahim bundo Ayah, untuang lah sudah jo bagian, nasib
244
