jo paruntuangan ayah, aja mati kalamullah, di mano untuang ma- imbaukan Ayah sinan nasib dituang, untuanglah sudah jo bagian Ayah. Sabanyak itu urang, diundang indak tacinto sorang juo Ayah. ciek nyo nan tacinto dek badan diri, iyo nan datang dari rimbo yo Ayah, urang nan ambo bao di tangah padang, itu tasurek di pa- runtuangan ambo Ayah, ujuik satu yo takadia, itu urang nyo nan basuo Ayah, dalam rahim yo nan sabulan."
Sampai manangih ayah Rahimah, "Taharak horaahulu, kalau baitu dek Rahimah, cubo den usua jo pareso, mari den tanyo nan daulu."
Sanan mananti Siti Rahimah. Lalu batanyo ayah Rahimah; sampai nyo yo urang mudo, "Mano Nak kanduang yo rang mudo, pado Nak kanduang rang mudo ai, barilah luruih ambo batanyo, indak do deyen kabapanjang tanyo, rang mudo, sajak ketek kau den gadangkan, lah tigo tahun waang di siko, dangakan bana dek urang mudo. Kalau ditiliak Rahimah lah gadang nak urang, nyo lah patuik basuami, alah den carikan jodoan inyo Nak, urang, alah nan indak nan tunangnyo, indak tacinto saurang juo nak urang, kini waang yo nan tacinto, suratan Tuhan takadia Allah, nak urang, waang den kawinkan jo Rahimah."
Sanan jawek yo rang mudo, "Mano dek Ayah kanduang am- bo, ambo saurang nak urang rimbo Ayah, anak tak tahu tanah tapi, anak singiang-ngiang rimbo ambo nan dapek dalam kubangan, ka kawin pulo jo anak rajo Ayah, cando bana pandangan urang, lawan kan ado nan anak rajo Ayah, lawan nyo puti samo puti, cari daulu kan nan lain Yah indak lah ambo patuik jo inyo."
"Kini baitu lah dek rang mudo, sadangkan rajo aden sajo, indaklah namuah ang jo Rahimah, dari pado kami baputiah mato, bia nak baputiah tulang, waang den pancuang sakarang kini."
Lalu manjawek urang rimbo, "Dangakan bana dek Ayah kan- duang. Pancuang nan indak sakali sudah Ayah, kato nan indak sakali putuih, cubo bapikia ambo daulu Ayah, ambo bari janji Ayah daulu basuo bana pituah Ayah, Yah;
Tenggi bukik buliah didaki
dalam lurah batalo-talo, Yah
urang ulik buliah dinanti
kok urang andak apo kadayo Yah."
245
