dang jinawi lah patah tigo, nyo ambiak pulang si rencong Aceh, lalu nyo amuak si Mambang Surau, anyo ilakan dek si Mambang, tabanam yo ka tanah. Anyo diambiak dek si Mambang Surau. "Kini baitu dek Rahimah, dangakan bana dek Rahimah, dangakan bana ambo badakwa Rahimah. Kini kau mamakai urang mudo, jan lah lamo baduto-duto Rahimah, ambo nan tahu asa mulonyo, urang si Tujuah Banda Dalam Rahimah, anak dek Datuak Bandaro Ijau, urang nan rajo asa mulo nyo Rahimah, urang nan rajo di Kampuang Nan Tigo. Inyo baduo badunsanak Rahimah, adiak banamo Malere Suri, mandeh jo ayah nan ambo danga Rahimah, iyo baduo kito mamakai nyo, iyo nan elok samo dipakai Rahimah, iyo nan buruak samo kito buang, baitu adaik limbagonyo Rahimah."
Bangih di hati si Rahimah, lah inyo tikam saulang lai, lalu bakato si Mambang Surau. Rencong nyo sambuik dek si Mam- bag, lalu bakato si Mambang, "Mano di kau si Rahimah, dangakan bana dek Rahimah."
Lalu batanyo ka batanyo, Mambang lan tibo kamambaleh, "Kini yo ambo ka mambaleh Rahimah, rilakan bana nyawo dek Rahimah, bacubo bana badan ka sudah Rahimah, dunia tak dapek kau liek lai."
Bangih di hati si Rahimah, anyo ulang saulang lai, alah nyo tikam si Mambang Surau, lah nyo tikam jo rencong Aceh, lah ampek kali Mambang nyo tikam, anyo ilakan dek si Mambang, cukuik ka limo inyo mamancuang anyo tikam jo suduik mato, alahnyo tikam Siti Rahimah, padang manasok di lia Rahimah. Renconglah makan di paruik Rahimah, lalu tadabuak Siti Rahi- mah. Rahimah lah mati tangah hilaman, iyo Allah mangabuakan, Rahimah tadabuak di halaman, Mambang lah naiak yo ma maligai, Mambang lah naiak ka dalam biliak.
Satalah tibo di mahligai lalu manitah si Mambang Surau, "Mano nyo si Malin Jumbang, lah tujuah tahun den nantian, kini bakiro yo waang di siko, Jumbang, turunlah waang ka tangah hi- laman, iyo bini ang iyolah mati, Jumbang, kanai dituriah si ren- cong Aceh, kini dek waang baitu pulo Jumbang, satu duo ka waang piliah, kalau namuah waang kan iduik, kaduo waang ka mati, turunlah waang dari mahligai, Jumbang, kalau ka mati waang di siko, pado nyo den baputiah mato, Jumbang, elok lah kito baputiah hati."
248
