Jumbang diirik dek Mambang Surau, lah nyo elok ka tangah ilaman, iyo maliek Siti Rahimah,. Rahimah lah mati di tangah ilaman, lalu bakato si Mambang Surau, "Cubo dangakan dek waang Jumbang, waang den bao sakarang kini, waang den bao ka Lawang Kuniang, kalau den inok-inok juo Jumbang, ingek lah janji di Lawang Kuniang, indak ado urang mamarentah Jumbang. Jumbangkan mamarenth di Lawang Kuniang, niaik di sinan di- sampaikan Jumbang, kaua di sinan kito laksanokan."
Jumbang dibao dek Mambang Surau, Jumbang dibao ka La- wang Kuniang, Rahimah mati lah ditinggakan, Jumbang dibao dek Mambang Surau, lah nyo bao ka Lawang Kuniang. Niaik di situ disampaikan Jumbang babaliak ka Lawang Kuniang, samo babaliak nyo baduo, ayam nan pulang ka pauiktan, bajapuik nan tabao.
