Rami galanggang tabedo tido, gantiang kamuniang lah dialaman tampek pautan kudo si sutan-sutan, pautan kudo si rajo rao. Lorong di Puti si Jailan, surang lah indak nan katuju, lai nan randah-rindih amek, lai nan tinggi lah tinggi amek, lai putiah pucek amek, lai nan kuniang kunik amek, lai nan itam kuali bana ondeh Diak.
Lamo lambek nan bak kian, tujuah hari galanggang rami, rami nan bukan alang kapalang, hari lah sanjo ko maso nantun di urang lah pulang urang dari galanggang, langang galanggang di maso nantun hari basarang lah dek sanjo, sanjo bajawek lah dangan malam, lorong dek Puti Jailan di ateh anjuang paranginan gilo manyuji jo manarawang, bimbang batanun lah tiok hari. Lorong di ayah bundo kanduang diri banamo Tuanku Rajo Mudo, iyo dek lalu mamanuang di masa nantun alah tapikie di dalam hati lalulah diimbau anak kanduang, "Ondeh Nak kanduang Puti Jailan, agak ka marilah kau duduak, bari luruih ambo batanyo, ambo batanyo luruih-luruih, ambo batanyo elok-elok, apokoh sahabnyo nan bak kian mambari malu pado kami. Indak malu sagadang nangko arang tacoreang pado kaniang, indak dapek ondeh mailak, lai awak si anu lah janyo urang, jikok dilieklah potongan den, jauah lah didanga baritonyo, pikia di Anak lah kanduang denai. Mangapo anak sarupo nantun mambari malu lah pado kami, pikia dek Anak kanduang denai, kito mamancang lah kagalanggang, tujuah ari lah tujuah malam, rami galanggang nan tabedo tido, sapantun samuik nan bairiang, sapantun anai-anai babuit rami galanggang nan tabedo-tido, gantiang kamuniang di alaman pautan kudo sutan-sutan, pautan kudo rajo-rajo surangpun nan indaklah katuju, banakan juo nan pado ambo."
Mandanga kato nan bak kian, manjawablah Puti Jailan, "Nan ampun baribulah kali ampun, ampun di Ayah kanduang denni, jokok salorong nan tantang itu Ayah tanyokanlah ka ambo, lah iyo hak kato Ayah, kito mamancang di galanggang tujuah ari lah tujuah malam, rami galanggang tabedo tido, ondeh gantiang kamuniang di alaman, pautan kudo dek sutan-sutan, pautan kudo dek raja-rajo, surang indak nan katuju. Sumantanglah baitu talupo Ayah mah kirony mangirim surek kiri kanan, mambari taulahrajo-rajo, itu dek sabubnyo nan lah bak kian, pikialah dek Ayah oi."
Mandanga kato nun bak kian, berang bangih ayah kanduangTemplat:Left
