mandanga kato si anak kanduang. "Ondeh Nak kanduang Puti Jailan talupo molah ambo kironyo mangirim surek lah ilia mudiak, mangirim sureklah kiri kanan, mambari taulah sutan-sutan, mambari taulah rajo-rajo; ondeh nan indak kasarupo nangko, gantiang kamuniang nak di alaman pautan kudo dek sutan-sutan surangpun indaklah nan katuju banakan juo nan pado ambo.”
Mandanga kato nan bak kian, alah manjawablah Puti Jailan, "Ampun di Ayah kanduang denai, kok indak talupo dek Ayah molah kironyo mangirim surek yo kiri kanan, mangirim surek ka ilia mudiak, mambari taukan sutan-sutan, mambari tau rajo-rajo, Mangapo tuanku (dek) Malin Panjang indak datang ka galanggang, itu sababnyo lah nan bak kian. Tapi lah samantang pun baitu untuang di ambolah kironyo, ketek banamo Puti Jailan, gadang banamolah tuo rando."
Ondeh bakato iyo Tuanku Rajo Mudo, "Ondeh Nak kanduang Puti Jailan, jokok salorong lah satantang nan bak kian iyo bana bak kato urang, sinan kok lamo lupo, sinan kok banyak ragu, ragu ambolah kironyo, talupo ambo lah mah kironyo mangirim sureklah nan surang nantun, tapi sumantang lah bak nantun ambo manyarah lah ka Nak kanduang, kok lai patuah ondeh ka urang tuo-tuo dek panuntuik malu kapado kito yo pambangkik tareh tahanam paapuih arang pado kaniang, pikia di Anak oi, iyo bana bak kato urang, indak alu saalu nangko, alu tatumbuak pado tabiang, indak malu samalu nangko, arang tacoreang dek pado kaniang, indak dapek mailak lai, mano kito nak manyuruak, awak si anulah janyo urang, dakek diliekiah potongan denai, jauhlah-jauh baritonyo, pikia dek Anak lah kanduang denai."
Lamo lambek nan bak kian, gilo barundiang-rundiang jua, gilo mangecek-ngecek juo, hari basarang malam juo, kira-kiro pukua duo baleh. Lorong di Puti Jailan diaumbiak upi nan maso nantun, lah dibaka kumayan putiah, arunnya bukan alang-alang. raso maluruik bulu hiduang, raso mamacal onde ka banak kapalo. Lorong di Puti Jailan manyaru lah dek kian, dipasang demu dek bak nyo lai, dipasang pitunang lah Naba Band, dipasang pilun. duak jo pakasiah.
Hari nan sadang tangah malam, kira-kiro pukua dua batch, sangko lamaklah urang tidua, eloklah kaba dipalakeh, kate bura liah lah nyo lai, sungguh pun baraliah di sinan tuo, alish kapade onde Tuanku Malin Panjang sadang di rumali mandri kanduang.
