Sadang di ateh anjuang paranginan, iyo bamimpilah mimpi alang datang, arun tabedo tido, arun bukan dek alang-alang bak raso maruntuah bulu hiduang, baraso mamacah banak di kapalo, heran tuanku lah Malin Panjang. Antah apo nan lah datang, antah malaikaik nan lah turun, antah kok setan nan mandayo.
Ondeh taniaik bana nak bajalan, tacinto bana nak marantau, indak menanti hari siang, ondeh mangaluah-ngaluah juo, ondeh mangampeh-ampehkan kaki, iyo malacuik-lacuikkan tangan. Alah sabanta di antaronyo kadangaran di aciak kanduang nan batujuah, sadang di jorong lah ruang tangah, sadang di dalam biliak gadang.
Lorong di puti nan batujuah onyo, diak kanduang nan baranam kito lah naiak ka ateh anjuang paranginan, "Dangalah di Adiak, lah tuan kito banamo Tuanku nan Malin Panjang, nak kito sudi manyiasekki, kito tanyokanlah elok-elok, kito tanyoilah sungguh-sungguah, apo sababnyo nan dek bak kian, inyo mangaluah-ngaluah juo, ondeh mangampeh-ampehkan kaki, ondeh malacuikkan tangan, ado nan tapikia lah kironyo, antah kok sakik nan ngilu paniang, nak tantu di kito nan ka mancari nan kan ubeknyo."
Lorong di puti nan batujuah lalu lah naiak ka ateh anjuang paranginan, ondeh manyambah puti ka tujuahnyo, bakato puti ondeh nan tuo, "Ampun baribu kali ampun dek Tuan kanduang kami man banamo Tuanku Malin Panjang, bari luruih kami batanyo, kami batanyo elok-elok, kami batanyo luruih-luruih, apo sababnyo nan bak kian, mangaluah-ngaluah juo, sinan mangampeh-ampehkan kaki, malacuik-lacuikkan tangan, apo nan sakik kok kironyo, adokoh sakik nan ngilu paniang, banakan juolah pado kami, nak tantu dek kami nan ka mamintak lah kan ubeknyo, ondeh dek Tuan oi."
Mandanga kato nan bak kian, manjawab tuanku Malin Pansang. "Ondeh Ciak kanduang nan hatujuah, sungguah salorong tantang itu, Arsak tanyokan lah ka ambo, bukan kok sakik ngilu paniang, bukan ko anibo nan sakik-sakik, dangakanlah dek Aciak kanduang di hari nan sadang tangah malam kiro-kiro pukua duo baleh, sadangko lamak urang tidua, lorong di nasib badan ambo, sadang dimimpi-mimpi alang datang, harun tabedo tido, bukan alang alang, bak raso maruntuah bulu hiduang, bak raso nak pacah banak di kapnil, heran sakali nan hati denai, antah kok apo nan Jah datang. Antal, nudaikat nan lah datang, antah ko setan nan
44
