jang, "Jikok salorong tantang itu Bapak tanyokan lah di ambo, indaklah janyo ambo, bukanlah tidak lah janyo denai, basi elok lah diringgiti, kurang elok dibari pakai, pucuak dicinto lah ulam datang, isuak dicinto lah kini datang. buruak dicinto lah baiak tibo, Alhamdulillah tarimo syukur. Tapi sumantang lah baitu indak patuik Bapak lah kironyo, manarimo untuang badan ambo, ambo nan surang nan cilako, siso bahilang lah di nagari, urang hino urang tabuang, urang tak tabilang lah di nagari, lah siso ombak lah manimbuangkan patah sisinyo lah di balakang nan bakain sabanang tido, nan bapitih sapitih tido, barameh lah samiang tido. Badarak badarun-darun, oh nan tamiang di balah ari, tuan oi candonyo ambo, nan bak perak candonyo ambo, nak siang kiro- nyo hari sumandan,oi."
Ondeh iyo Tuanku Rajo Mudo lalu manjawab lah nantun, "Ondeh Rajo nan lah datang, banamo Malin Panjang, jokoklah salorong lah tantang itu andai iyolah kami bukan ka arek dinan lain, bukan cameh di nan tido, andai lah di kami, itu diliek langik nan lah tinggi, garaga tanah nan lah kareh. nan sado lai lah untuang kami. Hanyo pamintaan ambo kini andai kok lai nak suko di nagari, dikawinkan jo anak ambo nan banamo Puti Jailan, ondeh lah samo suko lah timba baliak. Ondeh Tuanku Malin Pan- jang lah samo sukolah timba baliak iyolah janji nan kito karang, manolah janji kito pagang, adolah janji lah tigo bagi: onde nun saba di tigo hari nan kaduo lah tujuah hari, nan katigo duo kali tujuah, manokoh janji nan kito pagang nak samo sanang paratian."
Ondeh manjawab Tuanku Malin Panjang. "Jokok salorong tantang itu, iyolah janji nan kito karang, manolah janji nan kito pagang, iyolah janji nan tigo bagi, katigo dun lah kab tujuah, jo. kok sumantanglah baitu, ambo mamintak lah ka di Bapak, ambo bajalan hanyo lai, rantau jauah nan ka di jalang, ambo ko mancari lauik basa, lah tigo bulanlah ka lamonyo. Mandanga kato nan bak kian ambo suko lah timba baliak"
Bakato tuanku lah Rajo Mudo, "Ondeh Tuanku lah Matin Panjang, iyolah janji nan kito karang, iyolah janji lah tigo bulan, tapi sumantang baitu, iyo bana bak kato urang, kayu bakabek lah dangan aka kato bakabek lah dangan janji, janji bakabek lah dangan tando, manokoh tando lah timba halak, nak dipasan urang di tangah, nak samo sanang paratian."
Mandanga kato nan bak kian menjawab Tumiku Rajo Mudo,
51
