Hari nan sadang tangah hari, sadang kabunta bayang-bayang, sadang lamah pinggang anjiang, sadang ka rami urang di pakan, sadang ka langang urang di kampuang, gadih tadorong lah ka tapian, rando tadorong kabulukan, katik tadorong lah ka mu- sajik.
Lorong dek Puti Jailan, duduak di anjuang paranginan, gilo manyuji manarawang, rintang batanun lah tiok hari. Ado ma- solah pado itu, inyo mamandang lah ka halaman, dipandang jauah- lah dilayangkan, dipandang dakek lah ditukiakkan, dipandang juolah ka sokok lah di halaman, nampak urang di bawah sokok yo di halaman, antah kok rajo antah kok sutan, antah kok urang dek balo banyak.
Lorong dek Puti Jailan maliek sarupo nantun, lalulah turun dari anjuang paranginan, iyo balari ka jorong tangah mangadu ka ayah kanduang, lah manyambah maso nantun, "Ampun baribu kali ampun, anpun di Ayah kanduang denai, danga di Ayah den katokan, hari nan sadang tangah hari, sadang kabunta bayang- bayang, sadang ka lamah pinggang anjiang, sadang ka rami urang di balai, sadang ka langang urang di kampuang, gadih tadorong ka tapian, rando tadorong kabalukan, siak tadorong ka musajik. Lorong di nasib badan ambo, di ambo sadang di ateh anjuang gilo manyuji manarawang, paranginan. bimbang batanun lah tiok hari, adolah maso di maso itu, ambo mamandanglah ka ala- man. lah pandang jauah dilayangkan, pandang dakek ditapekkan, dilyangkan juo ka bawah sokok di alaman, nampak urang lah di bawah sokok di halaman, antah ko rajo antah ko sutan, antah ko urang dek balo banyak."
Iyo Tuanku Rajo Mudo, mandangakan kato nak kanduang, inyo bakato, "Ondeh Nak kanduang lah Puti Jailan, kok iyo bana aarupo mantun, ambinklah carano, kito isilah Nak, salangkok nak saganoknyo, nak kito sonsong lah ka halaman baitu adaik nak kita pagang, baitu alaik nak kito pakai iyo nan pasa nan biaso, iyo man pasa jadi jalan, ondeh nan tanang jadi buano."
Mandanga kato nan hak kian, lorong di Puti lah si Jailan, lalu dimmbadah carano ameh, diisi siriah nan salangkoknyo nak lah anganaknyo, lah dibaok turun ka halaman, bajalan Tuanku yo Rajo Mado, bainang puti lab man baduo, alah sabanta lah bajalan, iyo- Jak sampai di bawah sokok lah di alaman.
Lorong di Toanku Rajo Mudo lalu manyambah maso nantun,
54
