iriang, di tangah angin mangajuju, mangajuju menganduang bulan, lalu bakato Puti Jailan,
"Ampun baribu kali ampun, ampun di Rajo nan lah datang, ampun Sutan nan lah tibo, sarato Ayah kanduang denai, da- ngakan ambo baibaraik, sinan baladang ka Batu Ampa, tampek puyuah lari balari, edangan sudah taampa, lah basuah jari suoklah nasi,"
Mandanga kato nan bak kian, lorong di Tuanku Rajo Mudo jo Tuanku Sawang Langik, dibasuah jarilah maso nantun, makan- lah rajo kaduonyo, alah sabanta kok urang makan. Lorong Tuanku lah Sawang Langik, sigihlah balitak paruik, dek adaik rajo lah di- bao juo, sinan sasuok, kaduo kanyang, sinan katigo ditulakkan jamba, alah salasailah urang makan.
Alah salasai urang makan, makan siriah sakapua surang, abih manih sapah dibuang, kaleknyo tinggalah di rangkuangan, sarinyo naiak nan ka muko, nan barokok sabatang surang, abih paik pun- tuang dibuang. Indaklah lamo antaronyo, gilo barundiang-rundiang juo, siang mangecek-ngecek juo, malam baandai, hari basarang tinggi juo, hakato Tuanku Rajo Mudo, "Ondeh Tuanku, ampun baribu kali ampun, ampun di Rajo ko lah nan datang, walaupun sutan nan ko lah tibo, janlah ambo salah tarimo, bari luruih ambo batanyo, rajo manokoh lah datang, rajo mano nan lah tibo banakan juolah pado ambo."
Mandanga kato nan hak kian, manjawab Tuanku lah Sawang Langik, "Jokok salorong nan tantang itu Bapak tanyokan pado ambo, lah iyo bana bak kato Bapak, rajo di mano lah nan datang, sutan di mano ko nan lah tibo, ambo nan datanglah dari jauah, ayo di Pintu Sawang Langik, ambo Tuanku Sawang Langik oi."
Alah sabanta lah urang duduak, bakato Tuanku lah Rajo Mudo, "Ampun di Tuanku lah Sawang Langik, bari luruih ambo batanyo, ambo batanyo elok-elok, ambo batanyo dek luruih-luruih, ondeh banakan juo ei, pado ambo, kok lai ka suko di timba baliak, kok ado untuang paruntuangan, kok lai takadia pado Allah nak dikawinkan pado anak ambo nan banamo si Puti Jai- lan."
Mandanga kato nan bak kian, manjawablah Tuanku lah Sa- wang Langik, jokok salorong tantang itu Bapak tanyokan, jikok di ambo indak ko bukannyo ambo, bukannyo tidak lah janyo denai, basi elok lah diringgiti, kurang eloklah dibari pakai, pucuak
56
