ambo iyo bana bak kato urang, indak ko rajo indak ko pangulu bakampuang, indak bakampuang bapangulu, indakko rajo bara- turan kito marubah paraturan, ondeh orang dulu, lah nan pasa nan biaso, ondeh nan pasa nan biaso, iyolah aturan nan kito pa- gang, kato daulu lah kato pikia, kato kamudian kato dicari baitu aturan kito pagang, ondeh nan pasa nan biaso iyo nan pasa jadi jalan ondeh nan tarang di buano pikialah dek Ayah oi."
Ondeh mandanga kato nan bak kian, manjawab yo Tuanku Rajo Mudo, "Onde, Nak kanduang Puti Jailan, usah Nak kau nak banyak kato, malu Nak kito pado urang, kito nan indak yo mang- ubah aturan urang daulu, yo aturan nan kito pakai lah sari tum- buah sari di siang, baitu aturan nan kito pagang, ondeh Nak kan- duang oi."
Ondeh mandanga kato nan bak kian, manjawab Puti Jailan, "Ampun di Ayah lah kanduang denai, pikia abih-abih, pikia dek Ayah kanduang denai, jadi juo nan sakali ko, jadi apo nan badan amho, manjadi ungko siamang putiah, pauni ulak rantau Pasaman, mamakan daun pucuak simanteh, nan maminum aia di bungkua, timbang di Ayah pamanuangkan."
Lalu tagak Puti Jailan, tagak maranteh-ranteh sajo, lalulah turun ka haliak rumah, duduak di batang karambia gadang, ka haliak rumah manangih Puti Jailan.
Alah sabanta antaronyo lorong di bundo kanduang diri, maliek anak nan sarupo nantun, lalu dituruik ka baliak rumah. lalulah bangih bundo kanduang, lalu bakato maso nantun, "Ondeh Nak kanduang Puti Jailan, bari luruih ambo batanyo, ambo ba- tanyo elok-elok, ambo batanyo luruih-luruih, ambo nak batanyo, apo sababnyo nan bak kian mambari malu pado kami pikia dek Anak kanduang, kami haru harundiang, kok lah di rumah anak balari ka ainman apo sababnyo nan bak kian, malu kito Nak, oi. Madulah kito pado urang, ondeh indak alu sagadang itu, alu ta- faumbuaklah parin tabiang, mako ditumbuaklah pado pantun, eloklah ditatum malali tabu, indak malu samalu nangko, arang tacorang pado kaniung, nun kok tacoreang pado badan elok di- Sack dengan baju, timbanglah di Anak,oi,"
Mandanga kato nan bak kian manjawab Puti lah si Jailan, "Ampuan di Bundo kanduang denai, jokok salorong tantang itu Bundo, jan ditanyokan pado ambo, tadanga dek ambo Ayah jo Bundo nak mangawinkan badan ambo, onde lah jo Tuanku lah
68
