ambo bilang, usah Anak lah dituruik juo, untuang malaraik lah sakali nangko, untuang malaraiklah badan ambo, ondeh kini lah Bundolah marasai kironyo, Bundolah mati kironyo, tibo di- ratoklah langau hijau, kamanolah ambo mintak tolong, lai jo Allah, timbanglah dek Bundonyoi."
Ondeh lamo lambeklah bak kian, manangih juo Puti Jailan pikiran dalam hati, lalu dicari langkuang tanah, digolekkan bundo di langkuang tanah lalu ditimbun ondeh jo tanah maso nantun. Alah salasai lah tantang itu, lorong dek Puti Jailan inyo mamanjek- lah ka ateh kayu gadang itu, bunyi manggogok bak siamang. Mamandang juo ka tangah lauik dipandang jauah lah dilayangkan dipandang dakek lah ditukiakkan, dipandang juolah ka tangah lauik basa.
Dek lamo lambeklah nak bak kian, kaba baraliah lahnyo lai, sungguah baraliah sinan juo, aliah kapado ondeh lah Tuanku Malin Panjang sadang di tangah lauik basa, dek kadangaran suaro siamang kok dalam rimbo lalu babaliaklah maso nantun, diputa pelang anyo lai manuju sadang ka tapi lauik basa.
O indaklah lamo antaronyo, iyolah sampai sadang di tapi lauik basa, lorong dek Puti lah si Jailan lalulah turun maso nan- tun dari ateh kayu nan gadang nantun, lalulah balarilah ka tapi pantai, alah sabanta inyo duduak lah ondeh Tuanku Malin Panjang, alah basuo di tapi pantai.
Lalu bakato Puti Jailan, "Ampun baribu kali ampun, ondeh nan dek Tuan kanduang denai si Malin Panjang, apolah tenggang bicaro ambo, ambo dipaso dek Ayah jo Bundo, iyolah kawin jo Tuanku lah Sawang Langik, izin marasailah badan ambo, apolah tenggang lah Tuan kanduang, oi."
Mandanga kato nan bak kian, manjawab Tuanku Malin Pan- jang, "Ondeh Diak kanduang Puti Jailan, sajak dahulu ko ambo katokan, indak patuik Adiak lah manarimo, untuang ambo, ambo nan sorang ei nan cilako, siso babilang dalam nagari, lah urang ino urang tabuang, urang tabilang dek di nagari lah siso om- bak manimbuangkan, patah sisinyo lah di balakang, pikialah di Adiak, oi."
Lorong di Tuanku Malin l'anjang, ali bangih lah mandorong- kan, dek ati tibo manjauahkan, bakatolah bak maso nantun, "Ondeh Diak kanduang Puti Jailan, baju suto lapisan lakan, baju pangulu dek Aua Kuniang, rilakan sajo van tamakan, buliah
