kami nan di tompuah. Salamatkan badan kami, dari dunia sampai ka akhirat, nak santoso laia jo batin, nak joleh nan kami tuju," katonyo Maulana Karim.
Manangih Puti Sari Banun, "Kini baitu malah dek Tuan, kami nan batigo baranak, lah diseso paruntuangan, lah disansai pambagian, dalam tongah lauk godang. Tapi baa mangatokannyo, indak disangajo kondak bukan. Tapi iko nan tacapai, tapi iko nan dapek.' "Pado saat maso itu, tibo andai dek anaknyo, banamo Sari Banilai, "Mano Ibu kanduang hambo, mano ayah Bapak hambo, kini baitu lah dek Bapak, aluran di badan diri hambo, hambo ko kini baitu pulo, mamintak-mintaklah Bapak. Pintaklah samo mukabua, kondak lah samo babori, lah tampak bayangan tanah, lah tabayang tanah topi. Hambo lah manampak gunuang, eten di bayangan. Pandangan jauah lah dilayangkan, pandangan hampia lah batukiakkan, lah nyato saat sakarang." Dek pintak Maulana Karim, dek kondak Puti Sari Banun, dek Allah bakabuakan pulo. Pintak alah lah babari, kandak lah halaku, Angin tanang indak lai barombuh, galombang indak lai bariak, angin lah bak cando lamo, lah sunyi di dalam hati, lah sanang dalam kiro-kiro.
Pado saat maso itu, jatuah andai dek anaknyo, "O, Yah juo janyo hambo, kini baitu malah dek Ayah, aluran ka diri badan hambo, antah iyo tu antah indak. Tapi hambo inanampak gu- nuang, pandang jauah-jauah hampia, kok colink hilang hilang timbua, ontah hati nan lah godang, ontah tubuah nan lah tibo. Cubolah pandang dek Ayah, ontah iyo ontah tidak," katonyo Sari Banilai.
Sanah bakato ayahnyo, "Nak kanduang Sari Banilai, di arah mano gunuang tu, nan tampak dek badan kau ko, tunjuakkan juo lah bakeh hambo, buliah kito tuju ka sanan, kakiun kito arah- kan, bia di mano tibonyo. Malah lah tibo di darekko, nak tibo di ateh bumi, sanang juo hati kito, pado dalam lauk godang, ko," katonyo Maulana Karim.
Pado saat maso itu, lah diarahkan sampan ka sanan, dek diri Maulana Karim. Pandang jauah nyo layangkan, pandang da. kek nyo tukiakkan. Iyo pulo tu kironyo, bukan to pandang kau nan salah, bukan pancaliakan nan sosek, hambolah manampak pulo. Kok iyo tu gunuang kironyo, ka kiun lah kito tuju, arah sanan lah kito arah," katonyo Maulana Karim. Tibo andai dek ayahnyo, banamo Puti Sari Banun, "O, Tuan
