arah gunuang tadi.
Lah sabonta duo bonta, lah sasaat duo saat, dalam baandai. andai juo, dalam bakoba-koba juo, tibo andai dek ayahnyo, "O.Puti Sari Banilai, kini baitulah dek kau, aluran di badan diri kito.lai lah tontu arah nan dituju, lah tampak alamek diri, lah obeh nan ka dijalang, eten ka gunuang sabuah. Kok angin lai adok ka kiun,tak baapo do kironyo," katonyo Maulana Karim,
Pado saat maso itu, angin bukan main dorehnyo, ribuk bu. kan lai koncangnyo. Ado saat sakutiko, sadang ditumpu angin koncang, sadang dialun galombang copek, lah tapauk lai don- dangnyo, lah tatahan palairan, bakobek-kobek dek tali, bagumpa gumpa jo aka, tapauk ka Bukik Jambu.
Pado saat maso itu, laia tak dapek dilajukan, kopa tak dapek bajalan, lah tatahan dek bukik, lah takobek dek aka. Pado saat maso itu, tibo andai dek anaknyo, "O. Yah juo janyo hambo,dongakan malah dek Ayah, pihak di badan diri hambo, ampun hambo mintak juo. Apo sobab dek baitu, manuruk pandangan hambo, laia indak lai bagorak, kapa lah takobek, kok biduak lah tatahan, baa kito lai, baapo lai untuang kito. Di siko bumi ma-mintak, di siko tampek kito. Kini baitu lah dek Bapak, baiak pun Mandeh kanduang hambo. Bari mooh badan hambo, relakan jariah payah, takalo hambo dek ketek. Baikpun dek ibu kanduang hambo, dek sayang bakeh hambo, nyamuak saikua bahalaukan, kurang lalok badendangkan, kurang tidua bajagoi.
Aluran ka badan diri hambo. kondak indak putuh putuh pintak indak habih-habih, dari nan ciek ka nan cick, dan nan satu ka nan satu. Kok basuo sumbiang sabolah, kok durhako ka Ayah,baiak kapado Ibu hambo relakanlah jariah payah Ayah, barak aia susu Ibu," katonyo Sari Banilai. Dek diri si Sari Banun, tagaro bek aia mato. Aia mato jatuah badorai, jatuah ciek nyo kipehkan,jatuah duo nyo pusi, jatuah lah batimpotimpo. bakoba sambua manangih, mangecek sambia bakoba. "Tuan lah tanyo hambo, manuruk pandapek hambo, iyo pulo tu kironyo, bak kecok Sari Banilai. Kok bak raso siko lai untuang, di siko bumi maminiak, kok di siko aia malulua, di siko lai untuang kito,
Pabulek alu pangali
tak nan lobiah dari ruyuang
Pabluek hati nurani
tak nan lobiah dari untuang.
