Banun, dilopeh Maulana Karim. Kalua Maulana Karim, manyigai ka ateh bukik, mandaki ka kaki gunuang, bagantuang di gamai- gamai, bapogang di aka rotan. Lah sasaat nyo bajalan, manggapai- gapai di gunuang, bagantuang di gamai-gamai, bapijak di batu pu- tiah. Dek sungguah inyo mamintak, dék yakin nyo bajalan, iyolah sampai ka bukik gunuang, lah tibo di puncak bukik. Fandang jauah dilayangkan, pandang ampiang ditukiakkan, olun manampak apo-apo, olun maliek tando-tando. Tandonyo kampuang lai bahu. nyi, tando nagori lai baurang. Tapi di saat maso itu, tangaran lai kukuak ayam, didangakan bona sungguh-sungguah. Lah nyato ayam bakukuak, kukuak basahut-sahutan. Lah nyato' kampuang bahunyi, nagori lai baurang, sanan babaliak nan jadi, adok ka dan- dang nan baronti, ten di ateh parairan. Lah babaliaknyo nan jadi, lah tibo garan di sanan ten di ateh parairan, lah batomu jo anak- nyo, jo Puti Sari Banilai, sarato Puti Sari Banun. Satu tibo nyo baandai, "Nak Kanduang Sari Banilai, baiak kau Puti Sari Banun, pintak lai ka buliah, kondak alah balaku. Aluran di hadan kito, kampuang ko lai bahuni, nagori ko lai baurang. Kini baitulah dek kito, tolah kito daki bukik ko. Nak kanduang Sarı Banılai, kini baitu dek kau, bagantuang kau di hambo, hambo dukuang kau ka ateh. Bapijak di putiah batu, bagantuang di batang aka, mulahı kito poi ka kian."
Dek baandai-andai juo, lah sabonta antaronyo, lah naiak nyo ka kian, ten ka ateh Bukik Jambu. Bukik bukan lat tingginyo, kayu bukan lai banyaknyo, lah tibo goran di sanan, eten di ateh Bukik Jambu, lah duduaknyo batigo.
Sabonta duduak di sanan, koba baraliah hanyo lai aliah ka. pado si Rambun Podeh. Andai tibo dek si Rambun fodeh, adok kapado ibu bapaknyo, "O Yah janyo hambo, dongakan malah dek Ayah, aluran ka badan diri hambo. Mantari Tunduak ka Barat, batando hari ka potang, lah manjalang hari sonjo, sonjo hadarok malam. Baa hanyo lai, Ayah juo janyo hambo, hamo nak pai ka surau, ten ka surau guru hambo, nan bagala Imam Mulia." batanyo si Rambun Podeh.
Pado saat maso itu andai tiho dek ayahnyo, “ Nak kan duang si Rambun Podeh, kalau baitu kata ang, rajin rajinlah ma ngaji, sungguh-sungguah lah maapa. Jikok tibo ang di surau jan bagorah jo bagurau, jan banyak bagoluik jo kawan ..... ang di surau, buyuang sungguahlah mangaji," kato ayah ....
