hambo, iyo di korong kampuang kami, eten di nagori Hindustan. Kini baitu malah dek ongku, cubolah tinjau jo adat, pandanglah di dalam kaji. Batagah garan dek adat, balarang koh dek agamo, Limbak nan dari pado itu, pulang maklum ka Tuanku," katonyo Maulana Karim.
Andai tibo dek Tuanku Imam Mulia, "Mano Ongku Maulana Karim, kok iyo jadi baitu, kini ko hambo batanyo, pihak ka diri badan Ongku, lai kok iyo jadi baitu, lai nan ka hambo tanyokan. Takalo maso ka mari, baapo asa mulonyo, apo kok mukosuk hati, adok ka diri badan Ongku. Atau nak maubah sati, atau koh nak maubah buek, antaro buek sakorong."
Manjawek Maulana Karim, "Mano Tuanku Imam Mulia, kok itu Ongku tanyokan, pihak kapado badan hambo, takalo maso batulak, takalo maso ka balaia, eten di korong kampuang hambo, indak toh jadi baitu bona, indak ta niat nan baiko. Hanyolah mukosuk hati, kami nak pai ka kian, eten ka pulau Parimpunan. Hari baiak kutiko elok, kami batulak ka sanan, kami nan batigo ko, nak kiun poi bamain, nak manuju tompek itu. Dalam tangah lauk godang, Allah babuek sakahandaknyo. Alun lai sampai ka sanan, angin tibo galombang datang, kopa indak tantu adok, kapa indak tontu arah. Barapo lamo di lauik, dalam tangah lauik godang, satu indak pagantuangan, satu indak lah nan tampak, salain manyarah kapado nan Kuaso. Baitu mulo batumpu, baitu mulo bajalan, talalu sampai ka mari lah tibo kami di siko, lah barapokoh ka lamonyo, lah barapo lamo wakotunyo, indak doh nak maubah janji, indak doh maubah sati, indak doh ka maubah buek," katonyo Maulana Karim.
Kok itu kato Tuanku, lah sonang di dalam hati, lah sunyi di kiro-kiro, Ciek lai pulo tanyo hambo, salamo Ongku di siko, tacinto juo koh kampuang, takona korong kampuang, tarogak jo rumah tanggo, baapo nan niaik hati. Pabilo ka pulang, eten ka koto Hindustan," katonyo Ongku Imam Mulin.
Manjawek Maulana Karim, "Manolah Tuanku imam Mulia, kok itu Ongku tanyokan, kok itu ongku sobuik adok ka diri badan kami, iyo pulo tu kironyo. Tapi sumantang pun baitu, nau niaik di dalam hati, tarogak jo korong kampuang, takona jo rumah tanggo, takona jo korong kampuang, putuih hati nan di dalumu. Tapi sungguahpun baitu, kok nan diniuikiaikkan bona, kok dikaji-kaji bona, tak mungkin babaliak pulang, tak mungkin hambo
83
