Sinan mahimbau mamak Gadih, "O, Piak Gadih Basanai, rantau nan jauah ka dijalang, elok bajalan kito kini." Tadanga. mamak lah mahimbau, bagageh naiak ka sari rumah, lah nyo lakekkan kain ju baju, babaju cabiak di bahu, bakain cabiak di lutuik.
Kalau jadi gadih bajalan, tampan ka tirih biliak dalam, tampan ka lapuak rumah gadang, tampan ka luluih anjuang tinggi. Lalu bajalanlah Gadih Basanai, duo jo mamak kanduang inyo
Bajalanlah gadih jo mamaknyo, lamo lambek dek di jalan, lah tingga kampuang Langang Sunyi, masuak rimbo ka lua rimbo. Hari basarang tinggi juo, dek lamo lambek di bajalan, basuo bukik lah badaki, basuo lurah baturuni. Lah mandaki bukik ciek lai, ka didaki bukiklah tinggi, kok badan taraso litak, inyo imbau mamak kanduang inyo,
