↓Laman ko alah sah
Dek lamo lambek di mandaki, karano hari badarok patang, tibo rang gadih di puncak bukik, hari basarang patang juo, sinan nyo imbau mamak kanduang,
Hari basarang patang juo, patang bajawek dengan sanjo, nyo buang pandang ka ateh gunuang, bakato daganglah gadih,
Kok untuang Gadih Basanai, tak sampai sahari ka korong Koto Katinggian, tampek bamalam di puncak gunuang, bamalam di baniah kayu, duo jo mamak kanduang diri.
