Lah ka parak batanam taleh
ari manjalang pukua satu
Lah mupakaik urang nan barampek
siapo pula nan ka naik dahulu
Buruang nori tabang ka ateh munggu
inggok di rantiang si ampaleh
Lah gantiang juo gasiang tu
karena Aji Karim tabik manggarik
Ka ilia tabang buruang kekek
ditangkok anak kamudian
Akianyo maambua Pandeka Urek
bialah ambo pai mambunuah
Buruang alang tabang jo buruang antu
dama tajelo ateh munggu
Dipandang Aji Karim ndeh sanak sadang takalok
pisau tasentak dek Pandeta Urek,
Karakok tumbuah nak o jo karakok
talang tatuga jo langkueh
Ka dirosok mariah elok-elok
mukasuik Pandeka ndeh ka badabiah
Talang tatuga ndeh tuan di tapi tabiang
buah palo dikarek ampek
nyo susun dama nan di Muaro
Maklum Aji Karim oi tuak oi sangaik santiang
tangan taraso parangin tibo
kakinyo lakek maraung Pandeka mintak tolong
Lah ka pakan anak Ampek Angkek
ari manjalang sanjo ari
Malompek naik Pandeka Kilek
songkok di pintu ondeh manjago
Halaman:Kaba Minangkabau 2.pdf/42
↓Laman ko alah sah
