31
Mandjawab si Gombang Alam
Si Latik Malin Mantjajo
Badjalan dipondok rundo
Kok adiak kurang pitjajo
Ambiak pisau balahlah dado
Mambaleh si Nilam Tjajo
Si Upiak Siti Diana
Pandan di Djawo dirabahkan
Kalau tuan bakato bana
Badan djo njao den sarahkan
Nak duo pantun sa iriang
Padang Pandjang dilingka bukik
Bukik dilingkuang kaju djati
Kasiah sajang bukan sadikik
Dari muluik sambai kahati
Kato pantunnjo Nilam Tajo.
Mandanga pantun gadih nantan gadang angoknjo si Gombang kok tidak malu kamiluan namuah mandukuang djo marameh bakato si Gombang dalam bapantun
Kaju kalek madang dilurah
Ditarah lalu dilampaikan
Hati lakek pandangiah sudah
Pabilo kito sampaikan
Mambaleh gadih si Nilam
Aus ditanam Batuang tumbuah
Rantiang ditanam diambiak kapadati
Kok hati basamo sungguah
Kariang Jauten kito nanti
Mandjawab Budjang Si Gombang
