↓Laman ko alah sah
Dasah dasuih dalam kampuang
Rundiang-rundiang di nagari
Adok ka badan kito-kito ko
Kok malang tak dapek ditulak
Mujua tak dapek diraiah
Arang tacoreng di kaniang
Indak lai alu sa alu nangko
Alu tatumbuak di tabiang
Asa talatak dipandang
Buliah disaok jo batu
Indak malu samalu nangko
Malu tacoreng pado kaniang
Kalau talatak di badan
Buliah disack jo baju
Baitu banalah tu kini."
Katonyo bapak Bujang Juaro.
85. Pado saat maso itu
- Lah sudah ba andai-andai
- Tibo putusan dek bapaknyo
- "O Nak kanduang Bujang Juaro
- Kok hilang ka bacari
- Kok hanyuik lai ka waang pinteh
- Cubolah waang cari kawan
- Çarilah kawan samo gadang
- Nak sanang ayah malapeh."
- Katonyo ayah Bujang Juaro
86. Manyauik Bujang Juaro
- "Ayah kanduang janyo hambo
- Kok baitu kato ayah
- Indak baa tu kironyo
- Aluran badan kami
- Duo jo diri si Lembang Alam
- Kami lah baandai-andai juo
- Inyo Jai namuah pai
