Ka mano hilang nak kami cari
Hilang ka rimbo kami sigī
Hilang ka lauik kami ranangi
Baitu bana di badan kami
Kami lai sapinggan nan bak nasi
Lai sacambuang nan bak gulai
Baitu di badan kami
Baa pikiaran ayah?"
87. "Kalau baitu pikiaran waang
Lah sanang di hati kami
Lah sunyi di kira-kiro
Tapi samantang pun baitu
Himbaulah diri kawan waang
Nan banamo si Lembang Alam."
88. "Kalau baitu kato ayah
Baa pulo lai."
89. Lah pai Bujang Juaro
Manjapuik Sutan Lembang Alam
Satu dijapuik tabawo sakali
Lah tibo di muko bapak
Lah tibo inyo di sinan
"O bapak janyo hambo
Kini baitu lah dek bapak
Inyo ko kawan hambo tu
Nan banamo Lembang Alam."
Katonyo Bujang Fuaro
Lalu batanyo bapak kanduang
Kapado Sutan Lembang Alam
"Kini baitu lah dek sutan
Aluran di diri badan hambo
Iyo nak manyuruah waang pai
Hilang ka bacari
Hanyuik nak tarang di pintehi
Aluran Sari Banilai
Tunangan Bujang Juaro
60
