Alah barapo ko lamonya
Hilang tak tantu rimbonyo
Hanyuik nan indak abeh sungainyo
Nan sakarang iko kini
Kok lai namuah Sutan pai
Mangawani si Bujang Juaro
Buliah nak hambo lapch jo hati suci."
90. Manjawek si Lembang Alam
"O Bapak janyo habo
Kalu baitu janyo bapak
Baapo pulo lah dek hambo
Hilang inyo ka kami cari
Hanyuik inyo ka kami pinteh
Ka mano hilang ka kami cari
Hilang di rimbo kami sarang
Hanyuik di sungai kami ranangi."
91. "Kok iyo lai baitu
Lah sanang di dalam hati
Lah sunyi di kira-kiro
Mano waang si Juaro
Sarato Sutan Lembang Alam
Dangakan malah dek kalian
Sayang ka bajalan jauah
Rimbo gadang ka Buyuang tampuah
Lauik laweh ka Buyuang layari
Tibo di bukik Buyuang daki
Tibo di lurah ka baturuni
Basuo elok jo buruak
Batamu bamacın-macam
Kok basuo itu di jalan
Kok batamu waang jo musual
Lai ka talawan."
92. Manjawek Bujang Juaro
"O bapak janyo hambo
Kok itu bapak tanyokan
61
