Halaman:Kaba Puti Sari Banilai.pdf/127

Di ulak lubuak bajulua
Di pasta pasimpangan
Di jawi-jawi lampai
Di samak tumpak-tumpak
Lah taantak nyo di sinan
Ditariak sampan sabuah
Lah duduak inyo baduo
Lah tibo di dalam sampan
Lah diajak-ajak balaia
Lah dicubo-cubo bakayuah
Kayuahnyo bakalimbuan
Sakali marangkuah dayuang
Duo kali marangkuah dayuang
Sampan bukan main lajunyo
Lai indak maro malintang
Lai laju-laju sajo
Lah tapandang jo ombak lauik
Lah sarantang pajalanan
Ditingkah jo dayuang ciek
Lah duo rantang bajalan
Cukuik katigo rantang panjang
Lah tibo di tangan lauik
Lah dipandangi ilia jo mudiak
Lah diliek kiri jo kanan
Lah gameh hati di dalam
Lah ngari di dalam hati
Takana ibu jo bapak
Takana karik jo kabiah
Awak sadang di tangah lauik
Sawangan tidak pagantuangan
Bagoyah ama jo iman
Dibaco ama ciek-ciek
Basalo jo ombak taduah.

95. Lah sapakan inyo balaia
lah duo pakan palayaran
Lah cukuík tigo pakan