Halaman:Kaba Puti Sari Banilai.pdf/129

Habih pakan babilang bulan
Lah sabulan duo bulan
Lah cukuik tigo bulan
Pandang jauah nyo layangkan
Pandang hampia nyo tukiakkan
Indak ado tampak tanah darck
Indak ado tampak tanah tapi
Balaia indak batujuan
Pulau mano ka di jalang
Andak ka mano ka ditampuah
Hanyo manyarah ka untuang sajo
Takudia lai ka elok
Pintak lai kabuliah
Lah sasaat sakutiko
Lah tampak bukik sabuah
Bukik nan panuah samak rimbo
Alah ditujukan palayaran
Ka arah bukik nan tampak itu.

96. Lai tampak jalan tabantang
Jalan banamo jalan parantian dagang
Tampaklah urang baliak di bukik
Urang tu baliak di kabun
Baranti nyo di ateh nunggu
Nyo mamandang ka hilia
Nyo mancaliak-caliak ka ateh
Pandang jauah balayangkan
Pandang hampia batukiakkan
Lah tibo inyo di sinan
Di bukik rimbo gadang
Dek diri Bujang Juaro
Inyo tambekkan parahunyo
Lah turunnyo sakali
Didaki bukik rimbo.

97. Lah sasaat nyo mandaki
Duo saat nyo mandaki