Lah baandai-andai juo
Lah barundiang-rundiang kaji
Di ateh dangau gadang tu
Lah lamo antaronyo
Tibo sudi jo siasek
Datang usua jo pareso
Dek diri urang dangau tu
"O Buyuang nan baru datang
Anak datang dari mano
Di mano korong kampuang waang
Di mano dusun jo nagari
Baa datang ka iko
Awak sajombang surancak ko
Manga ditampuah rimbo dalam
Manga disawang rimbo labek
Apo sabab karanonyo
Apo asa usuanyo
Cubo caritakan lah kini
Nak sanang di dalam hati
Nak sunyi di kiro-kiro.
101. Manjawek Bujang Juaro
"O Tuak janyo hambo
Kok itu Datuak tanyokan
Aluaran diri badan kami
Mulo ka sampai ka mari
Awak ka sampai ka iko
Indaklah kami sangajo
Tapi baalah mangatokanayo
Lah garak dari Allah
Lah tasurek sajak dahulu
Sajak di rahim bundo kanduang
Kini untuang aluran badan kami nangko
Kami bukan urang siko
Kami nak rang jauah bana
kami nak rang Hindustan
Mulo dek sampai ka mari
66
