Tapi badan lah tuo juo
Diraso indak kamungkin
Balaia indak lai kamungkin
Bajalan indak lai kabisa
Dibuek dangau di hutan
Sambia nak manyanang-nyanang diri
Alah barupokoh lamunyo
Hambo di dalam rimbo ko
Asa caliaklah dek Buyuang
Asa pandanglah dek kalian
Caliaklah tanamptanaman
Pandanglah buah-buahan
Mantimun lah gadang-gadnag
Ladolah baitu pulo
Mantimun malarang bungo
Taruanglah ayun-ayunan
Janguanglah maampai buah
Karambia lah banyak pulo
Asa pandanglah dek waang
Salamo hambo di dangau
Hati sanang pikiaran sunyi
Hati suko niaik lapeh
Nan dimakan lai cukuik
Nan diminum lai samparono
Apo niaik tak tahalang
Ado hasia kasadonyo.
104. Kini baitu lah dek waang
Pihak nan dari hambo ko
Rajin-rajinlah batanam
Tanamlah nan elok-elok
Kasihanilah sado nan bapucak
Sayangilah kapadonyo
Nak salamaik badan waang."
Katonya urang dangau tu.
105. Lah pueh baandai-andai
68
