Duduak lah basuko-suko
Tagaklah baandai-andai
Di ateh rumah nan gadang
Allah Taala babuek sakandaknyo
Lah hamil Sari Banilai
Cukuik bilang sambilan bulan
Lah laia anak Banilai
Anaknyo laki-laki
Banamo Sutan Duano
Indak ado anak sarancak no
Induk ado anak sajombang to
Sahari laia sahari banamo
Lahi sapakan duo pakan
Lah sabulan duo bulan
Lah datang Puti Baranam
Rajo mano nan tak datang
Sutan mano nan tak tibo
Datang Puti nan bacujuahı
Dek diri Sutan Duano
Anaknyo Sari Banilai
Lah sanang di dalam hati
Lah sunyi dalam kira-kiro
Cadiak bak diaja
Gadang bak diambuang-ambuang
Awak rancak baiak laku
Dek diri Sari Banilai
Pado hari sahari tu
Taragak nak pai bajajan
Didukuang Sutan Duano
Bajalan-jalan ka tabiang
Ka tabiang Paninjauan
Lah tibo di sinan
Pandang jauah nyo layangkan
Pandang hampia nyo tukiakkan
Barami-rami di sinan
Dek sanang basuko-suko
Hari rancak angin barambuih
89
