Bakato si Murai Randin
"Kambang Manih adiak kanduang
Kok nyo batanyo mande kito
Katokan den pai ka kiun
Ka bukik jalan nan kuduang
Ka lewang pintu matohari
Ka kayu bapucuak sirah
Ka rumah Puti Kasumbo
Kiun den manyalang suri
Mandenyo indak di rumah
Dihari sahari nantun
Apo pintaknyo balaku samiang
Apo kahandaknyo buliah sajo
"Kambang
Tinggalah kau tingga
Tingga jo ameh dangan perak
Tingga jo sawah dengan ladang."
Manjawab malah si Kambang
"Ameh jo perak di sia tingga
Sawah ladang sia ka punyo?"
Manjawab si Murai Randin
"Indak guno ameh jo perak
Indak guno sawah jo ladang
Ameh perak den dunsanak den
Sawah ladang si Manjau Ari
Tuan den si Manjau Ari
Ka ganti subang jo galang
Ka ganti ameh jo perak
Ameh perak dapek den cari.
Mancampuang kabiliak dalam
Dilantak peti lewang gadiang
Mandanguang tali bubuiktan
Tabukak peti nan ketek
Diambiak rencong dalam peti
Ditariak ameh jo perak
Dibungkuihkan jo baju
54
