Lah tampak di nyo si Manjau
Inyo balari anyolai
Manangih manggaruang panjang
Manangkuik kariban kakak
"Tuan dişiko moh tuan
Lah panek den manuruiki
Alah payah den dek mancari
Tuan disiko moh kironyo."
Manangih si Manjau Ari
Mandanga kato adiak kanduang.
Bakato si Manjau Ari
"Murai jan kau mananggih
Ka ngalu kapalo adiak
Ka sakik adiak baeko
Sakik kamano mintak ubek."
Bakato si Murai Randin
"Tuan makanlah ko nasi
Nasi den sanduak di kain den
Gulai den tungkuih jo abuak den
Kok suko makan di tuan
Kok indak pikiaran tuan."
Lah minun makan si Manjau
Lah bahanti ninun makan
Bakato si Murai Randin:
"Tuan lah sudah minun makan
Iko kain baju tuan."
Ditariak kain di si Manjau
Diambiak baju di si Manjau
Inyo mamakai anyolai.
Alah sudah inyo mamakai
Bakato si Manjau Ari
"Murai Randin Adiak kanduang
Kok nan bana dihati hambo
Murai babaliak lah kau pulang
Awak den jan kau turuikan
Ameh perak disia tingga?"
60
