Bakukuak sapanjang jalan
Kok amuah tuan mambao
Tahinda musuah di jalan
Kok itu tuan takuikkan
Bia hambo palawan musuah
Bia denai mati dahulu
Tuan turuikkan den tuan
Janji sasukek tak sagantang.'
Bajalan si Murai Randin
Manuruik si Manjau Ari
Lah bajalan kaduonyo
Awak baduo badunsanak
Male rimbo di rimboi
Lah sahari duo hari
Lah tibo dalam rimbo gadang.
Bakato si Murai Randin
"Anak rang Koto Marapak
Nak hilia batungkek tabu
Hari paneh hujan badapak
Kito bahanti moh dahulu
Baa paruik den manggigik?"
Bakato si Manjau Ari:
"Kok samak jalan ka Kurai
Kama den mambali padi
Antah kok ka Bunuhampu
Kok litak lah koh si Murai
Kama den mintakkan nasi
Di dalam rimbo piatu."
Manangih si Manjau Ari :
"Sajak samulo den latokan
Indak dilatak dalam padi
Dilatak juo di pamatang
Pandan ko jub maladuangkan
Sajak samulo den katokan
62
