Indak kau ::latak dalam hati
Dilatak juo di balakang
Badan kau juo manangguangkan."
Bakato si Murai Randin
"Tuan den si Manjau Ari!
Indak elok urang pancameh
Urang pancameh kahilangan
Indak elok urang parusuah
Urang parusuah lakeh jauah
Indak elok urang panggamang
Urang panggamang mati jatuah.
Tuan dangakan den katokan!
Apo nan tidak di rimbo
Antah kok bamban jo katari
Mamban buliah dilingkakan
Apo nan indak di kito
Antah kok bulan jo mantari
Bulan buliah den gambakan.
Tuan ambiaklah pucuak pua
Mak den makan ka ubek lapa.
Dek hibo garan di adiak
Lah diambiak pucuak pua
Dibarikan keh si Murai.
Lah ditariaknyo di si Murai
Lalu dikuduang pucuak pua.
Bakato si Murai Randin
"Makan di tuan ŋan sakuduang
Amak den makan nan sakuduang.
Bakato si Manjau Ari
"Adiak kanduang Murai Randin
Anak rang di Sungai Pua
Nak lalu ka Bukik Tinggi
Indak lamak di den pucuak pua
Pantangan anak laki-laki.'
Manjawab si Murai Randin
"Anak rang di gaduang Toba
63
