Nak lalu ka Indogiri
Indak lamak di den pucuak pua
Pantangan anak padusi.
Bakato si Murai Randin
"Tuan juo den agaki
Kununlah badan hambo surang
Indak den litak di nasi
Indak den hauaih di aja
Minun makan lah dahulu
Sajak di rahim bundo kanduang.
Tuan mari kito bajalan
Rimbo nan mano kito hunyi
Kampuang nan mano kito tunggu.
Manangih si Manjau Ari
Mandanga kato nan bakkian.
"Adiak kanduang si Murai Randin!
Usah tu kau katokan
Antah kito ka kama-kama
Antah lapuak di rimbo gadang
Antah mati di tangah jalan.
Bakato si Murai Randin
"Tuan den si Manjau Ari
Jan diduo kato Allah
Dima janji ditapeki
Tuan turuikkan den dek tuan."
Bajalan si Murai Randin
Manuruik si Manjau Ari
Masuak rimbo kalua rimbo.
Dek lamo lambek di jalan
Lah sabulan duo bulan
Bakato si Murai Randin:
"Kito bahantilah adahulu
Payah den ukan alang-lang
Hauih nan indak buliah aia
Mak den bahantilah disiko
Itu lapiak takambang juo.
64
