Ditariak cincin si Murai
Si Manjau manariak reno
Urang baduo badunsanak
Buliah pakaian kaduonyo
Pakaian dunia akirat
Lalu bajalan anyolai.
Lah sakijok pulo bajalan
Basuo harimau gadang
Mangaum harimau tu
Rasokan luluih rimbo rayo
Rasokan hancua bumi Allah.
Bakato harimau gadang:
"Siko paruik den mangko kanyang
Siko salero den mangko pueh
Urang dunia sasek ka rimbo.
Mandanga kato harimau
Kununlah si Manjau Ari
Awak nan ganta-ganta takuik
Darah di dado turun naiak
Gumanta tulang sadonyo.
Rang mudo si Murai Randin
Pandai torik pandai tanuang
Pandai manakok dalam rahik
Urang nan takuik tantu di nyo
"Tuan jo denai di tuan
Janlah hati dipatakuik
Janlah badan diparusuah
Koklah untuang ka dimakannyo
Tantu dimakannyo juo
Kok indak untuang ka disiko
Indak kito ka dimakannyo."
Urang mudo si Murai Randin
Digerakkanyo abuak nan panjang
Disongsongkannyo harimau tuo
Inyo bakato anyolai
"Harimau nan gadang nangko
66
